Home Gobierno Te aworaki 65 rancho a keda registra

Te aworaki 65 rancho a keda registra

91
0
SHARE
- Advertisement -

Director di DIP Haime Croes

ORANJESTAD (AAN) — Ing. Haime Croes a informa tambe cu e registracion di ranchonan cu ta bayendo hopi bon. A yega caba na un total di 65 persona cu a registra; nan a entrega tur potret di nan ranchonan, tur nan datonan, y tur loke a wordo pidi.

El a agrega cu aworaki ta importante pa clarifica, cu ora DIP caba di bay controla lo duna e personanan un precario cu nan tin cu paga y cu ta un aspecto simbolico basa riba e distribuitie besluit, cu ta 5 florin pa meter cuadra, cu ta wordo paga pa aña, pues ni pa luna.

E ta scucha eyfo sumanan exagera di 1600 of 2000 florin, cu e ta haya ta hopi straño pasobra lo mester tabata ranchonan super grandi, pero e ranchonan cu tin registra no ta pasa di 40 meter cuadra.

Ta keda na cada doño si kier haci su rancho mas chikito of mas grandi. Sr. Croes a subraya cu gobierno no tin intencion di bay kibra ningun rancho, pero si ta pidi pa bin registra pa evita vandalismo y tur aspecto cu mester preveni.

El a subraya pa bin registra y e ora ey e persona cu DIP ta yega na un acuerdo riba cuanto meter cuadra e kier paga, y si esun cu e persona tin esey e kier paga pe, pero tur cos ta keda den cada persona su man. Importante ta keda pa no bin mas rancho acerca, esnan existente ta esnan cu tin cu keda.

- Advertisement -

DUNA COMENTARIO

Please enter your comment!
Please enter your name here