Home Social Temporada di Fin di Aña a cuminsa na Paseo Herencia

Temporada di Fin di Aña a cuminsa na Paseo Herencia

72
0
SHARE
- Advertisement -

ORANJESTAD (AAN): Diasabra dia 30 di november, Paseo Herencia a inaugura nan temporada di fin di aña cu un anochi di dushi ambiente cu shownan musical y premionan atractivo.

Ruben Garcia, presentador di e anochi a entretene e publico pa e momento espera cu tabata e sendemento di e luznan di e kerstboomnan di Paseo Herencia. Cuminsando for di 7or di anochi Youth N Action a duna un bunita presentación di baile den vestuarionan navideño.

Publico a encanta e bunita presentacion di violin presenta door di Angela Flores cu lo continua di brinda su presentacionan durante e luna di december tur diasabra 8’or di anochi cu su canticanan navideño.

Grupo di Gaita “MARUBA” a percura cu nan presentacion di musica aguinaldo cu tabata tin hende ta baila den plaza. Na final di e anochi publico por a disfruta di un bunita water show den tema di pasco. Lo por mira e water show aki durante henter luna di december pa 8:30 pm y 9:30 pm.

Ademas di e shownan riba e escenario, publico por a disfruta di Ling & Sons su famoso oliebollen cu a worde parti den e plaza. Ling & Sons tambe a regala dos gift baskets na e publico cu tabata contene diferente articulonan di pasco. Pa esnan cu ta interesa pa order nan gift baskets por tuma contact cu nan direct.

TGI Fridays a rifa 2x gift certificates pa por bin disfruta e dushi temporada di pasco cu famia y amigonan y finalmente un feliz ganador a gana un kerstboom di Kerstboom City cu ta situa na vondellaan riba e veld di cricket. Por reconoce nan cu e tent grandi blanco cu berde.

Paseo Herencia ta conoci pa trece dushi ambiente den e temporada di Pasco. Tur weekend durante e luna di december lo tin shopping nights cu shownan riba Paseo su escenario y tambe premionan cu lo worde otorga semanal pa tur e miembronan di Paseo su Loyalty Program.

Pa esnan cu no ta miembro ainda por bishita Paseo su parking cashier pa mas informacion y tambe por cumpra Paseo Gift Certificates cual ta un bon regalo pa temporada di pasco. Parking cashier ta habri desde 12or di merdia.

Paseo Herencia ta invita henter Aruba pa pasa disfruta di e dushi ambiente navideño y saca bunita potretnan cu e decoracionan di pasco.

 

- Advertisement -

DUNA COMENTARIO

Please enter your comment!
Please enter your name here