Home Hudicial Tin tres sospechoso mas di pornografia di mucha cu mester presenta dilanti...

Tin tres sospechoso mas di pornografia di mucha cu mester presenta dilanti Hues

923
0
SHARE
- Advertisement -

Mientras cu Ministerio Publico no ta bay apela e sentencia di e promer acusado

ORANJESTAD (AAN): Den promer instante a kere cu sigur Ministerio Publico lo apela e sentencia den e caso penal contra e homber S.L. kende a worde haya culpable di download pornografia di mucha.

Fiscal den Corte den Promer Instancia a exigi 24 luna di prison di cual 6 luna ta condicional y Hues su decision ta 18 luna di prison di cual 12 luna ta condicional.

Manera ta conoci, Ministerio Publico tin dos siman di tempo pa evalua si ta apela e sentencia of no.

   MINISTERIO PUBLICO NO TA APELA:

Investigacion cu DIARIO a haci ta mustra cu Ministerio Publico, despues di a evalua tur cos, a dicidi cu no ta apela e sentencia.

Esaki ta promer biaha cu Corte di Husticia di Aruba ta trata caso penal contra un persona cu a worde haya culpable di ta download pornografia di mucha bou di 18 aña.

   TIN MAS SOSPECHOSO:

Ta asina cu tabatin un investigacion hopi amplio na Aruba caminda miembronan di RST hunto cu esnan di Jeugd Zeden Politie a constata cu tin diferente hende ta haciendo download di pornografia di mucha.

Esaki tabata posibel door cu Ministerio Publico awor ta dispone di e E Child Protection System cu ta haya sa e IP-adres di esnan cu ta haciendo e download. Entre 27 Augustus 2018 te cu 23 April 2019, tabatin un investigacion caminda a constata cu tin diferente IP-adres na Aruba.

En total 4 detencion a cay esta S.L., tambe M.L., tambe T.F. y T.C.

E acusado S.L., ta esun cu a keda encarcela te dia di su caso, mientras cu e otro sospechosonan a worde laga liber. E hecho cu nan a worde laga liber no kiermen cu no tin un caso penal contra nan. DIARIO por a compronde cu Ministerio Publico lo persigui nan tambe.

   TIN MAS CASO PENAL:

DIARIO por a compronde cu e sospechosonan M.L., T.F. y T.C. otro aña 2020 lo mester presenta den Corte pa duna cuenta pa e delito cu nan a haci. Tur ta worde sospecha di a download pornografia di mucha bou di 18 aña.

- Advertisement -

DUNA COMENTARIO

Please enter your comment!
Please enter your name here