Home Salud Tin varios proyecto pa hisa e calidad di cuido pero di otro...

Tin varios proyecto pa hisa e calidad di cuido pero di otro banda baha y maneha e gastonan

112
0
SHARE
- Advertisement -

Director Ruben Goedhoop: AZV ta ariba e bon caminda

ORANJESTAD (AAN):   Director di AZV, Ruben Goedhoop a indica den entrevista cu DIARIO, cu Organizacion Mundial di Salud a nombra 12 di December como dia di “Universal Health Care”, Dia di Cuido Universal pa tur hende.

Esey ta netamente loke tin na Aruba. Hopi pais no tin esey, a remarca. E ora AZV a pensa cu tabata bon pa celebra e dia aki, para keto un rato y pensa riba e sistema cu tin na Aruba y tin biaha ta bon pa realiza locual tin.

A dicidi di celebra e dia aki cu un evento unda a recapitula e aña cu a pasa, kico AZV a haci y kico ta bay sosode. Tambe ta premira kico e focus ta pa 2020. A probecha pa lansa nan logo nobo y tambe nan AZV App nobo tambe, esta AZV Aruba, Goedhoop a señala.

AZV a duna di conoce recientemente cu nan gastonan ta bay subi rond di 4%, pero tambe nan ta keda optimista mirando cu tin proyectonan andando y cu a largo plazo lo trece resultadonan basta positivo pa Aruba.

Relaciona cu esaki Ruben Goedhoop a bisa cu en berdad e gastonan ta subi y esaki ta algo cu ta sosode mundialmente tambe. Na otro paisnan tambe ra wak crecimento den e gastonan y mas halto ainda  y na Aruba tambe entre 3 pa 4 porciento. Nan ta premira esey y ta wak con por maneha esey mas bon cu ta posibel.

Den esey tin varios proyecto pa di un manera of otro hisa e calidad pero di otro banda baha of maneha e gastonan concerni, a agrega.

E director di AZV a sigui bisa cu ta bon ariba e bon caminda. A menciona cu nan ta hopi contento cu por ehempel, e desaroyonan cu ta tumando lugar na ImSan unda ya caba ta realizando algun specialismo cu antes no tabata tin manera esun di operacion di catarata.

Cu esaki e pashentnan ta wordo trata na Aruba mes y no mester bay laga nan famia mas pa un periodo largo, unda mester viaha hopi mientras cu na ImSan nan por wordo trata.

Esey ya encera su gasto mas cu claro, pero di un banda e ta hisa e calidad di bida di e pashent y e gastonan ta baha. E ta un bon solucion pa Aruba, Goedhoop a declara.

- Advertisement -

DUNA COMENTARIO

Please enter your comment!
Please enter your name here