Home General Tur dia cierto areanan di Maracaibo ta keda 6 ora sin coriente

Tur dia cierto areanan di Maracaibo ta keda 6 ora sin coriente

89
0
SHARE
- Advertisement -

ORANJESTAD (AAN): Informacion di Maracaibo ta indica cu e situacion di coriente na estado Zulia ta delicado.  E compania di electricidad un biaha mas ta raciona coriente, y ta corta coriente sin avisa publico di antemano.

Diferente municipio a reclama con riba Diabierna nan a keda 6 ora largo sin coriente, y specialmente anochi esey ta pasando.

E areanan cu ta perde coriente cada biaha ta comunidadnan di Maracaibo, San Francisco, Cabimas, Santa Rita, Miranda, Ciudad Ojeda, etc.

Habitantenan ta keha cu semper banda di 9’or di anochi nan ta perde coriente, y esaki ta trece problema pa hendenan cu ta sufri di calor, principalmente esnan cu ta sufri di presion halto.  Tin algun bario cu a keha cu nan a keda como 12 ora sin coriente.

Tin biaha nan ta perde coriente den oranan di atardi, pero e ta bin bek.  Pa nan sorpresa, ata anochi un biaha mas coriente ta bay.  Y habitantenan no ta compronde, pasobra nan a tende di nan gobernantenan cu e problemanan cu coriente a wordo drecha.

 

- Advertisement -

DUNA COMENTARIO

Please enter your comment!
Please enter your name here