Un bida ehemplar y reconoci den bida

    262
    0
    SHARE
    - Advertisement -

    Padu Lampe

    ORANJESTAD (AAN): Poco artistanan den historia por bisa cu nan a keda reconoci mientras cu nan tabata na bida ainda. Padu sigur a desafia e dicho popular y e si tabata profeta den su mesun tera. Pa su contribucion valioso riba tereno cultural, Padu Lampe a ricibi varios premio y condecoracion.

    Banda di e premionan pa su contribucion na e mundo di farandula, Padu a haya e conderacion como ‘Ridder in de Orde van Oranje Nassau’ na 1972 di su Mahestad Reina Juliana, e ‘Orden di Andres Bello Segunda Clase’ di Gobierno Venezolano na 1975 y Doctorado Honoris Causa na Maracaibo, Venezuela y e ‘Zilveren Anjer’ cu ta un honor Hulandes halto riba tereno cultural na 1986.

    Tambe el a haya e reconocemento pa ‘Distinguised Services Renedered to the Community’ di Kiwanis Club of Aruba 91966), ‘Paul Harris Fellow’ di Rotary Club of Aruba (1991), un homenahe di Dhaddy Brokke den Golden Tulip Hotel 91191) y Top 20 Awards’ di Radio Galactica.

    Sin embargo, e reconocimento mas grandi pa Padu tabata cu na 2001 el a haya e nombracion oficial como ‘Tata di Cultura di Aruba’ di Minister Dr. Lili G. Beke-Martinez. E premio ‘Mara di Oro’ Padu a haya na 2004 y  na 2007 Bon Dia Aruba a nombra Padu como ‘Man of the Year.’ Na 2006 Grupo Cultural ‘De Trupialen’ a dun’e un homenahe y el a haya un luga riba nan ‘Muraya di Fama’.

    Comision Padu tabata preparando un gran celebracion pa su di 100 cumpleaños, mescos cu por anticipa cu mas fundacion, organizacion y por ta, te hasta otro paisnan lo sa di rindi homenahe na e gran ser humano aki.

    E articulo aki compila y edita pa Elizabeth Guanipa den nomber di Fundacion Padu Lampe.

     

    - Advertisement -

    DUNA COMENTARIO

    Please enter your comment!
    Please enter your name here