Home General Un calamidad pa hospital na entrada dianan di fiesta

Un calamidad pa hospital na entrada dianan di fiesta

83
0
SHARE
- Advertisement -

Resumen

Problemanan nobo den hospital a bati na porta na entrada di un di e temporadanan mas fastioso pa hospital.

E hecho cu e pais ta drenta temporada di fiesta cu ta bay acompaña pa celebracionnan tradicional den cual entre otro alcohol ta custumbra,  generalmente ta nifica mas accidente y mas necesidad di asistencia na hospital.

E proceso pa atende cu personanan cu mester acudi na hospital, a bira mas dificil den un situacion cu ta tabata conoce su problemanan.

Na Aruba tin hopi preocupacion pa loke a bira calamidad na hospital den e temporada di fiesta. Por resumi pensamento general cu e palabranan cu un gran parti di Aruba ta sinti cu e garantia mas importante di cuido na hospital, a wordo afecta.

Hospital mester garantisa cu na e momento cu bida di un hende ta na peliger directo, e por haya ayudo efectivo mas pronto posibel. E presencia di informacion cu ta duna un bista di e estado di salud di e pashent, ta sumamente importante y ta salba bida.

Na entrada di dianan di fiesta, sigur personanan cu ta sufri di condicionnan peligroso cu ta rekeri atencion urgente na hospital, no ta sinti nan mes comodo.

E pregunta grandi cu ta keda ta, con por bay enfrenta e situacion como comunidad cu no tin e garantia, cu informacion existente di un pashent por wordo revisa na momento cu e pashent drenta.

Nos a trata di resumi algun pensamento den cual tin un ponencia cu ta merece tur atencion. E situacion cu a surgi na hospital ta motibo pa pashentnan cu un condicion cu por bira motibo pa cuido di emergencia na hospital, mester cana cu nan informacion medico.

Nomber di nan dokter di cas, nan specialista, nan problema medico, remedi cu nan mester bebe, entre otro. Esaki por facilita e cuido di emergencia cu nan mester ricibi.

Loke a pasa cu hospital ta un calamidad. Na mes momento e ta demostra tambe con peligroso ta pa un institucion manera hospital, centralisa su base di funcionamento sin garantisa cu e tin un plan pa momento cu problema manera esun actual surgi.

Ta existi un preocupacion grandi pa e forma cu ciudadanonan por wordo afecta si e actual situacion extende su mes pa dianan di fiesta tambe.

Den e resumen di preocupacionnan den pueblo, ta wordo papia di informacion cu mester riba e cantidad di emergencia pa hospitalisacion durante dianan di fiesta durante añanan anterior. Mester mobilisa pueblo pa minimalisa casonan cu por afecta salud.

E resumen mas importante ta, cu mester haci pueblo comprende con e mester actua den e caso di calamidad aki. Mescos cu tin plannan di accion na momento di horcan,  mester tin awor plan Cyber Attack Hospital cu ta algo sumamente serio pa Aruba.

 

- Advertisement -

DUNA COMENTARIO

Please enter your comment!
Please enter your name here