Home General Wever-Croes a preveni explosion di prijs den comercio

Wever-Croes a preveni explosion di prijs den comercio

23
0
SHARE
- Advertisement -

Baha prijs coriente ta crea espacio den gastonan di consumido

*Turismo directamente beneficia pa decision Wever-Croes

* Prijs di cuminda parti di e vangrail economico di coriente

ORANJESTAD(AAN)–E prijs di coriente tin un relacion directo cu e gastonan di famia pero tambe cu e gastonan comercial y den turismo. Expertonan cu trayecto importante den mundo comercial y di turismo internacional y local, a mustra DIARIO riba e impacto cu coriente tin den e calculacionnan di prijs cu ta realidad na Aruba entrante Prome di Januari 2020.

Pa por presenta informacionnan cu a guia Aruba den e pio crisis cu el a conoce, DIARIO a haci uzo di expertonan local y internacional riba tur tereno cu a bira necesario.

Esaki a haci cu DIARIO por a guia Aruba y prepara e pais pa e fracaso di Citgo na 2018, e problemanan serio cu e proyectonan costoso di gabinete Mike Eman y e debe nacional tabata presenta pa Aruba.

Hulanda tabata consciente di e preocupacion grandi di Aruba na momento cu e pais mester a enfrenta e realidad di 2020 cu un presupuesto den cual mester corta gastonan di e pais y aumenta su entrada.

Pa 2020 Aruba por a enfrenta un explosion di prijs pa motibo cu e pais ainda no a yega na un areglo cu Citgo cu ta necesario pa e habri caminda oficialmente pa expansion di su economia cu mester produci trabou y mas entrada pa gobierno.

Aruba tabata prepara pa un explosion di prijs, cu lo a afecta e consumidor di Aruba directamente y tambe lo a afecta turismo.

Manera DIARIO a mustra e hecho cu a baha prijs di coriente ta afecta prijsnan na Aruba y den turismo.

Coriente ta un gasto necesario pa comercio por funciona y sigur turismo. Expertonan turistico a mustra DIARIO riba e impacto grandi cu coriente tin riba gastonan den Departamento di Food and Beverage, cu ta inclui cuminda y bebida.

E gastonan di freezer y e preparacion di cuminda ta enorme. Na e momento cu prijs di coriente baha, sigur e ta bay baha e gastonan operacional den turismo cu un porcentahe considerabel.

Expertonan internacional di DIARIO, directamente relaciona cu maneho den turismo y empresa relaciona cu turismo, a mustra cu a menos cu cada empresa tin su propio generator di coriente, e prijs di coriente ta subi su gastonan di operacion debi cu e prijs pa atende cu e clima calor ta halto.

Comercio lo a enfrenta un aña sumamente dificil entrante Prome di Januari 2020, si gobierno Wever-Croes no a actua.

E poder di compra di consumidor lo a baha drasticamente atrobe loke lo a afecta comercio cu lo mester a subi su prijsnan a base di e entrada total cu un compania mester tene na cuenta pa e fiha su prijsnan cu mester inclui gastonan operacional.

E hecho cu pa pueblo tambe prijs di coriente a baha mescos cu e prijs cu ta regula e interaccion comercial pues compra di un compania na otro, ta pone e efecto di medidanan den balansa y asina ta evita e shock cu Aruba mester a sinti a base di e gobernacion di gobierno Mike Eman cu a hinca Aruba den desaster economico, financiero y social. 

- Advertisement -

DUNA COMENTARIO

Please enter your comment!
Please enter your name here