Home Beyeza Zury Ruiz ta yega cu titulo awe for di Ecuador

Zury Ruiz ta yega cu titulo awe for di Ecuador

2652
0
SHARE
- Advertisement -

Miss Teen World 2019

ORANJESTAD (AAN): Otro gran logro pa Aruba!  Den fin di siman, e simpatica Zury Ruiz a haya un titulo importante durante certamen na Guayaquil, na Ecuador.

Tabata Diabierna 30 di November cu den Teatro Las Camaras na Guayaquil, cu e simpatica Zury Ruiz a representa Aruba pa e titulo di Miss Teen Supranational.

E certamen tabatin un opening den uniform di eleccion cu a sigui den e ronda di Trahe di Baño cu a culmina cu trahe di gala y ronda di pregunta.

DIARIO a compronde, cu un tremendo presentacion di e reina di beyeza Arubano aki, unda di comienzo te final, Zury a acapara atencion, y lo mas importante cu henter e sala tabata gritando pa Aruba.  E palabra “Arubaaa, Arubaaa” tabata skeiro constante.

Zury a subi escenario cu un trahe di gala blanco diseña pa Edson Everon cu makeup di Laury y cabey door di Allan Kock.

Na final, e candidata di Peru a bira 2nd Runner Up.   Candidata di Ecuador mes a bay cu 1st Runner Up.

E titulo di Miss Teen World, a bay pa Zury Ruiz di Aruba.

E titulo di Miss Teen Tourism a bay pa candidata di Paraguay.  E titulo di Miss Teen Supranational a bay pa Panama.

DIARIO a compronde cu henter siman cu a pasa, e candidata di Aruba, esta Zury a capta atencion di tur hende cu su outfitnan.  Pues en realidad publico a biba cu Aruba.

Awenochi na Aruba mes lo bay tin un Welcome Party pa Zury Ruiz.  DIARIO ta felicita Zury, y tambe e director nacional di certamen Robin Croes-Ponson, y su mayornan Randolph y Ritsma, su wela Mama Rosa, cu e bunita titulo aki.

- Advertisement -

DUNA COMENTARIO

Please enter your comment!
Please enter your name here