Home Gobierno A extende periodo pa por paga number di auto te dia 28...

A extende periodo pa por paga number di auto te dia 28 di Februari 2020

59
0
SHARE
- Advertisement -

Minister Xiomara Maduro:

ORANJESTAD (AAN):  Dialuna mainta, Minister di Finanzas, Xiomara Maduro a haci un anuncio importante pa comunidad.

El a duna di conoce cu tin un cambio pa loke ta e fecha di pagamento di impuesto riba vehiculo di motor.

Siman pasa e directora di Departamento di Impuesto (DIMP) a brinda informacion relaciona cu e pago di impuesto e aña aki.

Te 31 di Januari tabata tin oportunidad pa paga mitad aña y na fin di juni e otro mitad di e impuesto di vehiculo di motor 2020.

E aña aki, e mandatario a splica, hunto cu e pago di e impuesto locual no por realiza ta e entrega di e plachi di number. Esaki a trece cune un disgusto den comunidad.

E minister a duna di conoce cu e aspecto aki no ta kita afo cu cada ciudadano cu ta haci uzo di un vehiculo di motor mester cumpli cu e pago aki. Pero pa evita e discusion cu a bin dilanti a dicidi cu ta bin un cambio den esaki y ta permiti pa por paga mitad aña te cu na 28 di Februari.

Esaki ta bira e ultimo dia pa por paga mitad aña (Januari – Juni) di locual ta number pa e aña aki, Maduro a indica.

PAGO ONLINE

Tin posibilidad pa por haci pago online. Den esaki a haci algun cambio chikito pa locual ta bira e comprobante di pago. Antes mester tabata tin e comprobante di pago aki pasobra tabata tin personanan cu ta paga pa e aña aki, pero aña pasa of e aña prome, nan no lo a paga.

Ora di bay busca e number di auto, esey ta bira un problema. Pesey, pa evita tur e parti aki y e inconveniencia cu e persona tin cu bay bek pa haya e comprobante aki, e solucion ta den e parti caminda cu por manda un email na tur esnan cu a haci nan pago online, den cual e persona ta duna nan nomber, persoonsnummer, number di auto y tambe un ‘screenshot’ di e comprobante di pago.

Ora di manda esaki na info@impuesto.aw, e ora e persona ta ricibi su comprobante di pago y cu esey na momento cu e number di auto tey, por bay y busca bo plachi di number, Xiomara Maduro a expresa.

PLACHINAN NA CAMINDA

El a agrega cu e plachinan di number ya ta na caminda pa Aruba y den luna di Maart esakinan lo keda distribui na e usuario cu a haci su pago.

PAGONAN ARIBA DIASABRA

Entrante diasabra awor lo tin oportunidad pa e contribuyentenan haci nan pago na DIMP na Camacuri te cu fin di februari.

Ariba e dia aki, por haci tambe otro pagonan cu lo kier wordo haci.

TARIFANAN

E mandatario a agrega cu tur tarifa ta keda mescos. No tin cambio pa loke ta e pago di number di auto. Esey tambe a bira un polemica cu a bin dilanti.

- Advertisement -

DUNA COMENTARIO

Please enter your comment!
Please enter your name here