Home General Actuacion Trump a dicidi pa cambio elemental na dos pais

Actuacion Trump a dicidi pa cambio elemental na dos pais

185
0
SHARE
- Advertisement -

Venezuela y Iran por bira e decision Mericano na 2020

ORANJESTAD (AAN) — 2019 a cera cu Partido Democratico di Merca cu un ofensivo politico pisa den Cas di Representantenan di Congreso. A impeach Presidente Donald Trump, cu ya mayoria di estado na Merca a acepta como e unico candidato pa e Partido Republicano.

Den Cas di Representantenan tin awor miembronan cu debi na nan descendencia ta reacciona riba loke politica na Merca mester atende. Un posicion fuerte di nan banda ta sostene candidatonan di Partido Democratico.

E problema cu a surgi entre Merca y Iran, tabata motibo pa Partido Democratico trata na limita e poder di Trump pa actua riba tereno militar.

Tabata parce cu e incidentenan lo tabata completamente contra Merca y contra Trump mescos cu sucesonan na Venezuela y na Cuba, cu tambe a haya mas medida di parti di Trump como contesta riba e apoyo Cubano na Nicolas Maduro. Senado Mericano ainda mester discuti e base cuestionabel den publico tambe pa impeach Trump y forma cu Partido Democratico ta atende cu  e incidente cu Iran.

Den e situacion internacional pisa, tabata parce cu e tradicion Mericano cu ta busca interes nacional na prome luga, lo a stop di existi.

Cambionan importante a presenta ora na Venezuela, Maduro a dicidi di podera di Asamblea Nacional di Venezuela, loke a causa aceleracion di mundo liber pa busca salida di Nicolas Maduro.

Juan Guaidó a papia di bay mas leu cu e accionnan actual y di acerca TIAR pa yega na un acercamento mas pisa.

Canada tabata uno cu a papia di mas medida pa por logra baha Nicolas Maduro y por spera cu pronto e lo activa Grupo di Lima atrobe.

Hopi papiamento a surgi pero ta resulta cu tabata e gobierno di Donald Trump cu a percura pa e armanan mas efectivo cu tabata e medidanan cu a lansa contra regimen Maduro, cu a keda lomba contra muraya.

Na e momentonan aki Maduro ta completamente entrega na Rusia y China y mester cera aliansanan nobo riba tereno economico y financiero y entrega e dos paisnan contractonan pa cual e mester di sosten di Asamblea Nacional.

Trump no a hala atras, pero a pone mas peso di medida riba Cuba dor di baha e cantidad di vuelonan cu por hiba turista Mericano Cuba.

Na Iran a resulta cu e avion di pasahero cu a cay, a wordo destrui dor di Iran, loke a pone pueblo di Iran lanta contra gobierno di Iran, cu a detene un miembro di Cuerpo Diplomatico Irani.

Na Februari e prome eleccion primario pa presidencia di Merca ta tuma luga na Iowa, e estado Mericano cu a bira conoci pa su caucus, cu ta forma cu ta expresa sosten na e candidatonan presidencial.

E situacion nobo na Iran y na Venezuela, ta haci cu Mericanonan y sigur e Mericanonan cu reis mas largo na Merca, pa un gran parti no ta di acuerdo cu a impeach Trump ni ta di acuerdo cu e forma cu politiconan Democratico ta atende cu e crisis di Iran.

E politica di Trump enfrente Venezuela ta parce di ta e ruta cu a produci mas resultado.

Na final di ayera, na Iran gobierno tabata confronta protestanan cu tabata escala. Na Venezuela, regimen Maduro a planea pa awe bay rondona edificio di Asamblea Nacional.

Merca ta prepara pa su eleccion den un mundo cambia, cu Inglatera cu a dicidi pa Brexit loke lo nifica tratadonan internacional economico nobo ora Inglatera bandona Europa Uni! Esaki por trece cambio den e situacion internacional cu tabata marca pa un parti importante riba e relacion Merca y China

- Advertisement -

DUNA COMENTARIO

Please enter your comment!
Please enter your name here