Home Turismo AHATA semper ta preocupa riba e aspecto di seguridad

AHATA semper ta preocupa riba e aspecto di seguridad

19
0
SHARE
- Advertisement -

CEO, Tisa LaSorte:

ORANJESTAD (AAN):  Ora un persona tuma un vakantie, e aspecto di mas importante pe ta seguridad. Ora cu un turista bin Aruba nan kier sinti nan mes sigur. Nan kier disfruta e beachnan, e servicio, pero mas cu tur cos nan kier sinti nan mes sigur, CEO di Aruba Hotel and Tourism Association (AHATA), Tisa LaSorte a manifesta.

AHATA semper ta preocupa riba e aspecto di seguridad. E miembronan y e companianan miembro manera e restaurantnan riba pier, hotelnan banda di e beach tin camara, ekipo di seguridad y nan semper ta coopera cu polis.

LaSorte a indica cu e teamnan di seguridad semper ta haya training pa purba preveni. Pero AHATA semper ta keda preocupa pasobra no ta solamente e victima ta keda marca, pero e por bay bek papia di dje, conta mas hende di dje y esey por sali den noticia. “Semper tin preocupacion cu e ta algo cu por daña nos turismo”, a remarca.

Tur kier pa e turistanan bin Aruba y goza nan estadia. Pero hopi hende ta lubida con fragil e industria di turismo ta. E por ta algo chikito. Por ta un incidente cu por cambia e rumbo di e industria. Pesey ta keda preocupa.

Pero mester keda depende di e autoridadnan pa haci nan trabao y AHATA ta purba coopera mas tanto posibel, Tisa LaSorte a duna di conoce.

Relaciona cu e seguridad na hotel of den un tienda por ehempel, pone security extra lo por spanta tambe e turista. Nan no lo sinti nan mes ‘welcoming’. No ta algo pa soluciona facilmente, pero tur hende mester coopera mas cu otro y tin mas comunicacion entre polis y e teamnan di seguridad.

Aruba Hospitality Security Foundation ta traha riba esey, a indica. E comunicacion entre e hendenan ora di mira algo y pa ta atento. Tambe ta trahando mas ariba trainingnan ariba tereno di prevencion cu tin di haber cu mas wowo, comunicacion, etc.

Tisa LaSorte a laga sa cu nan ta haciendo esfuerzonan, cooperando y colaborando cu Cuerpo di Polis. Pero e preocupacion ta keda y semper ta keda puntra kico mas por haci pa haci Aruba mas sigur, a señala.

 

 

- Advertisement -

DUNA COMENTARIO

Please enter your comment!
Please enter your name here