Home Enseñanza Alumnonan di examen-klas di John Wesley College a haya un sesion di...

Alumnonan di examen-klas di John Wesley College a haya un sesion di motivacion

16
0
SHARE
- Advertisement -

ORANJESTAD (AAN): Recientemente Heart-Centered Leadership Foundation a duna un sesion di motivacion titula ‘The Road to Success’ (e ruta pa exito) na alumnonan di examenklas di John Wesley College.

Durante 2 sesion, alumnonan di 2 examenklas a participa den forma interactivo, unda a papia tocante kico ta exito y e tiponan di exito cu tin (interno y externo).

Despues a guia e hobennan riba e ‘ruta pa exito’ door di visualiza unda nan ta wak nan mes aki 1, 5, y 10 aña door di puntra diferente pregunta. E meta di e sesion aki ta pa pone hobennan refleha riba kico nan kier y con nan lo por logra esaki.

Heart-Centered Leadership Foundation a worde funda na 2008 cu e meta di inspira y empodera hobennan pa descubri nan potencial completo.

Door di ofrece training, seminarionan, workshops, programanan, coaching y mentoring, e fundacion ta traha riba fomenta un generacion di hobennan cu ta resiliente, respetuoso, y responsabel.

Nos programanan ta enfoka riba transformacion di paden bay pafo: reconoce calidadnan cu e hoben ta bon aden, traha riba locual tinco mehora, y fortalese e hoben su caracter pa e por para firme den su zapato.

- Advertisement -

DUNA COMENTARIO

Please enter your comment!
Please enter your name here