Home Salud Aunke Coronavirus ta limita na China, Minister y DVG ta reactivando plan...

Aunke Coronavirus ta limita na China, Minister y DVG ta reactivando plan di contingencia

135
0
SHARE
- Advertisement -

ATA y comunidad medico di Aruba a wordo informa:

ORANJESTAD (AAN) – Dr. Wilmer Salazar, di DVG, a elabora den entrevista cu DIARIO, tambe riba e tema di “Coronavirus” cu tin diferente virus den dje, y e ta circula na China y a surgi na e ciudad Wuhan.

E ta un virus cu ta afecta partinan di animal, principalmente. Pero pa motibo cu e ser humano tin hopi contacto cu animalnan, e virus ta “jump”, kiermen e ta bula y ta adapta na animalnan mas grandi y na e ser humano.

Coronavirus ta un virus nobo y no tin defensa contra dje. E ta afecta e curpa y por causa complicacionnan incluso morto.

Tocante e rumornan cu tin cu e virus aki a yega na otro paisnan, dr. Salazar a subraya cu esaki ta rumor y cu tanten no tin un comunicado di cada departamento di e paisnan mes of di e Instancianan manera Organizacion Mundial di Salud (OMS) of Pan American Health Organization (PAHO), no por bisa si esey ta berdad of no.

Hopi rumor ta core pa crea miedo y panico, dr. Salazar a subraya. E virus ainda ta limita na China, cu ta un pais cu un poblacion basta grandi ainda, y mayoria di su produccion nacional ta cria y agricultura.

E virus a crea mutacion cu ta afecta e ser  humano, pero te awo e ta limita na China, dr. Salazar ta reitera, aunke na Japon tin un caso y otro na Thailand y na Republica di Korea, y un na Merca, pero ta casonan unda e personanan cu a haya e virus a bishita e ciudad di Wuhan, unda a surgi e brote. Pero pa nos region ainda no tin un alerta.

No obstante, Departamento di Salud Publico ta preparando, reactivando e plan di contingencia, cu a desaroya cu e famoso pandemia di Influenza AO-N1 y tur cos “in place”. Nan a caba di informa henter e comunidad medico, ATA como instituto di turismo, pa nan tene cuenta riba esey.

Hendenan cu ta biaha pa Wuhan, na China, tin cu evita tuma contacto cu esnan cu ta malo, y incluso cu animalnan, pasobra e principio di e salida di e virus aki ta animal cu a adapta na e humano.

E speculacion cu tin cu a detecta casonan na Mexico, Colombia y Venezuela, solamente ta rumor. Asina dr. Salazar a subraya. No obstante Minister di Salubridad Publico y DVG tin bon contacto cu otro, y nan ta trahado riba un sistema di monitoreo, cu lo por detecta na un manera efectivo cu por trata y contene, en caso cu e virus plama. Pero aworaki ta limita na China, dr. Salazar a bolbe reitera.

El a indica cu Aruba ta afilia na tur organizacion internacional cu ora tin algo ta activa un alarma.

- Advertisement -

DUNA COMENTARIO

Please enter your comment!
Please enter your name here