Home General Awe Aruba mester di e curason Arubano!

Awe Aruba mester di e curason Arubano!

174
0
SHARE
- Advertisement -

Conflicto na Medio Oriente y un Guera Civil dilanti costa 

*Falta di amor pa Aruba y e Arubiano a hinca e pais den crisis

Awe Aruba mester confronta un situacion cu hamas e pais a pensa cu e lo conoce. Dilanti porta di Aruba un guera civil ta cuminsa. Na Medio Oriente un crisis tin tur atencion.

Ta conoci for di fin di 2017 cu e añanan cu tabata na caminda, lo no tabata nada facil pa un gobierno cu lo no a haya oportunidad pa haci politica barata pero cu lo mester a dicidi di goberna den e desaster cu Aruba a wordo hereda.

Ya tabata conoci, cu Hulanda kier a tuma medida y cu e persona cu acepta e responsabilidad pa dirigi e pais, mester a bisti boots pa cana riba e tereno destrui di futuro di Aruba.

Ta den e situacion aki mr. Evelyn Wever-Croes a acepta e encargo di Ministro Presidente di e pais y conforme e resultado di eleccion liber di Aruba, a dicidi pa e unico forma di coalicion cu tabata posibel.

Como persona mara directamente na e politico cu a entrega Aruba su Status Aparte, como sobrina di e libertador di Aruba cu ta Betico Croes, e Prome Ministro nobo di Aruba mester tabata na haltura di loke su encargo tabata encera.

E tabata tin mester di e placa? Placa hende mester semper pasobra sigur na paisnan socialista, comunista, esun cu no por produci no ta come. Na Aruba esaki ta nifica, cu e persona cu no tin placa, mester bay pidi gobierno.

Mr. Evelyn Wever-Croes tabata un profesional cu su entrada, manera rond Aruba ta bira conoci na e momentonan aki pa su opositornan.

El a acepta di bay gana salario di un Prome Ministro cu ta hopi pa hende cu no tin entrada y no ta traha, pero cu e mes por produci si e bay su oficina, eherce su profesion, y gana su placa.

Pakico tur esaki ta bini dilanti? Pasobra no ta normal cu mientras tur Arubiano di curason ta preocupa cu destino di nan pais, cu ainda tin hende kier fomenta problema grandi riba Aruba pa nan bienestar politico.

Mester cualifica e loke ta pasa na Aruba actualmente como contra tur regla  basico pa un Arubiano cu stima su pais.

Arubianonan cu a lucha pa mira nan pais liber, cu a entrega nan mes pa autonomia di nan pais, hamas ta sostene loke ta pasa actualmente y hamas ta sostene pa intrankilidad kibra e union pa cual semper Aruba tabata conoci y cu Aruba mester na e momentonan aki cu presencia di e loke a keda atras di Citgo ta hinca Aruba den problema internacional.

Ta tristo cu ainda tin hende cu a permiti ayera pa e futuro di Aruba disparce dor di un maneho sin un crenchi di amor pa Aruba, awe ta sigui causa problema cu nan mes a origina.

Den un situacion sumamente dificil, den cual Aruba mester paga e debe di abuso cu a keda atras ora placa bruto di e pueblo a wordo gasta y bienestar di Aruba kibra, peliger internacional y regional ta bati na porta cu e intencion pa baha un gobierno y otro haya chens di abusa manera a wordo abusa.

Si gobierno Everlyn Wever-Croes ta na mando, ta pasobra si e no a asumi responsabilidad lo no tabata tin gobierno pasobra esun cu a gana eleccion no kier a goberna.

Awe Aruba mester di trankilidad. Awe mester ta basta. Falta di amor pa Aruba y e Arubiano a hinca Aruba den crisis. Kico mas e grupo sin ningun consideracion pa e pais kier?

- Advertisement -

DUNA COMENTARIO

Please enter your comment!
Please enter your name here