Home arte y espectaculo Ban yuda hobennan local representa Aruba na Hulanda

Ban yuda hobennan local representa Aruba na Hulanda

29
0
SHARE
- Advertisement -

ORANJESTAD (AAN): Fundacion CINEARUBA ta haci un yamada na comunidad y comerciantenan pa yuda cu e desaroyo di talent di nos hobennan. Na maart di e aña aki un grupo di hobennan ta desea di representa Aruba na e competencia internacional di cine na Rotterdam, Hulanda.

E grupo di hobennan aki di cual nan pelicula a sali e miho pelicula di e proyecto di 48 ora organiza pa fundacion CINEARUBA lo bay representa Aruba na e competencia Filmapalooza unda tur pais lo competi contra otro pa e premio maximo cu tambe ta inclui e presentacion final na e prestigioso festival di cine ‘Cannes’ na Francia.

Ademas di e competencia e hobennan di Aruba lo ricibi diferente tayernan di cine, desde e parti tecnico, produccion y e parti empresarial. Un total di 12 tayernan creativo y educativo e hobennan lo por asisti.

Den e programa tambe ta inclui un encuentro entre participantenan di Aruba, Bonaire, Curaçao y Hulanda. Un encuentro cu diferente topiconan pa debati entre otro con pa reforsa e colaboracion entre e paisnan den reino.

DIARIO a compronde cu tambe lo tin un presentacion di e peliculanan cortico di tur tres isla pa e publico di Aruba y e otro islanan residencia na Hulanda.

Na final e hobennan di Aruba lo realisa conhunto cu esunan di Bonaire y Curaçao un bishita na companianan y localidadnan di cine na Hulanda unda cu nan por haya mas informacion y un bista con cine ta worde haci na Hulanda.

Personanan y companianan cu ta desea di aporta pa haci posibel cu cinco hoben por bay Hulanda na maart por haci un donacion via e portal di paypal: bit.ly/yudaAUA of of por haci un donacion directo via banco riba e cuenta di Fundacion CINEARUBA 258573.0190 Aruba Bank.

- Advertisement -

DUNA COMENTARIO

Please enter your comment!
Please enter your name here