Home Religion y Espiritualidad Chens unico pa bo colabora cu bo testimonio na Mama Maria di...

Chens unico pa bo colabora cu bo testimonio na Mama Maria di Alto Vista “Virgen Peregrina”

32
0
SHARE
- Advertisement -

ORANJESTAD (AAN): Cu e proposito di por documenta un “Bitacora” (tambe yama “Diario di Mama Maria Virgen di Alto Vista Peregrinando”), nan ta desea Testimonio di devotonan cu a asisti na un of mas Reso di e Novena di E Birgen Peregrina di Alto Vista.

Segun Atan Lee, kende a papia na nomber di Comishon di “Santisima Virgen Mama Maria Di Alto Vista, Patrona di Aruba Peregrinando”, nan a bin compronde cu varios persona den e dianan o despues di a asisti na e Novena o na un di e Oracionnan di Mama Maria “Virgen Peregrina”, a experencia cosnan bunita y positivo den nan, y nos ta desea di haya nan testimonio.

Si abo of otro persona por tin un testimonio di algo cu por a toka bo den e dianan di e Reso di e Novena y ta desea di comparti cu nos y si ta interesa pa e aparece anota den e Diario, favor manda nos un relato chikito.

Segun Atan Lee, nan lo documenta y anota e sucedido como un Testimonio den e Bitacora o Diario di E Virgen Peregrina.

Si bo persona no ta desea cu bo nomber aparece anota den e relato, nos lo respeta esey, y unicamente nos lo documenta y haci referencia di bo Testimonio y lo mantene datonan di bo persona den nos Archivo secreto.

Esnan cu kier yuda cu e diario aki, por contact e coordinador encarga Ciro Robert, via celular (297) 562-5759 of tambe Whatsapp na (297) 744-6964 y tambe via email: everestreagency@yahoo.com.

 

- Advertisement -

DUNA COMENTARIO

Please enter your comment!
Please enter your name here