Home Salud China a exporta virus peligroso

China a exporta virus peligroso

209
0
SHARE
- Advertisement -

Transmiti di animal pa hende bou investigacion

ORANJESTAD (AAN)– Na 2002 alarma a wordo bati pa e virus SARS, cu rapidamente a plama na 39 pais prome cu na 2003 por a para su progreso.

Na entrada di 2020 ya mundo tabata conoci cu un virus nobo, similar na SARS, cu a wordo registra na China pero awor a bandona frontera Chines.

Informacionnan di e organisacion mundial di salud, WHO, ta papia di un asina yama Coronavirus, cu ta afecta pulmon humano.

E enfermedad, segun informacion te cu ayera, ta wordo transmiti di animal pa hende pero ta busca evidencia cu hende tambe por plama e enfermedad pa otro hende.

Den tur caso ya China a exporta e virus cu a wordo reconoci na mas pais. Keintura, tosa, problema pa hala rosea ta sintoma di e enfermedad di pulmon, cu por afecta riñon y causa morto di hende.

“Laba man, tapa boca y nanishi, come carni y webo bon herbe, mester evita posibilidad pa wordo contagia,” segun informacionnan.

Den un mundo di hopi comunicacion, alarma a wordo bati pa spierta biaheronan pero tambe tur instancia medico cu por wordo confronta cu importacion inespera di e virus.

- Advertisement -

DUNA COMENTARIO

Please enter your comment!
Please enter your name here