Cu Dande y Pagara e famia di DIARIO a yama 2019 ayo cu bon expectativa pa 2020

    363
    0
    SHARE
    - Advertisement -

    ORANJESTAD (AAN) – Dialuna anochi, gerencia di DIARIO hunto cu mayoria empleado a celebra pa cera su dia di trabao cu un despedida di Aña 2019, cu e tradicional Dande, culminando cu e pagara.

    Un momento hopi agradable, combina cu snacks y brindis, y na final e braza caluroso entre coleganan pa desea otro tur cos bon y un feliz cambio di Anja y yama bon bini na 2020.

    Nos a duna Dios danki pasobra e anja aki DIARIO lo celebra su di 40 aniversario, gradici cu nos lectornan pa nan sosten di semper, famia Mansur pa e confianza deposita den su trahadornan cu ta forma un team completo cu ta stima e corant aki.

    Riba combinacion di potret por aprecia momentonan cu e famia di DIARIO a comparti cu hopi alegria y FE cu e anja aki lo ta uno di hopi exito y progreso guia pa e man di Dios y nos esfuerzo y boluntad pa sigui bay dilanti.

    DIARIO ta gradici su lectornan y pueblo di Aruba cu a mantene nos como e corant Number Uno di pueblo.

    Pa 2020 DIARIO tin un compromiso grandi cu su lectornan di sigui informa su pueblo riba tur desaroyonan tanto local como internacional.

    - Advertisement -

    DUNA COMENTARIO

    Please enter your comment!
    Please enter your name here