Home General Cuba, Aruba y turismo for di Merca

Cuba, Aruba y turismo for di Merca

149
1
SHARE
- Advertisement -

Cuba a bolbe perde su luga den turismo for di Merca

Medida Mericano por ta un apertura pa economia Aruba

Uno di e resultadonan directo di e problemanan na Venezuela ta, cu Merca a dirigi su accionnan contra Nicolas Maduro cu medidanan contra Cuba pa e sosten cu e regimen Cubano ta duna Maduro.

Prolongacion di estadia di Nicolas Maduro na poder na Venezuela ta resulta den situacionnan cu ta beneficioso pa Aruba. E medidanan contra Cuba ta bini na un momento cu Aruba mester di empuhe den e situacion mundial dificil cu turismo local mester enfrenta.

Aruba mester actua cu mas accion na partinan di Merca, cu bon conexion aereo por haci productivo pa Aruba.

Factornan cu ta hunga un papel den e analisis aki ta keda, e motibo cu Cuba ta entre paisnan mas beneficia cu turismo den region. Cuba ta situa directamente dilanti Costa Mericano na e parti Noord di Caribe.

Si tene na consideracion por ehemplo e desaroyo di turismo crucero, por mira islanan den e parti Noord di Caribe y sigur Cuba mescos cu entre otro Mexico riba continente, tabata preferi pa turismo di crucero for di Merca. Esaki sigur na principio di e aumento enorme cu e sector turistico aki a conoce a base di barconan mas grandi pero tambe posibilidad mas grandi dor di financiamento pa turista di menos entrada.

Cruceronan tabata prefera e parti Noord di Caribe no solamente pa e cantidad di combustibel pero tambe pa motibo practico. Na inicio di e sector aki, no tabata tin freezer moderno pa warda cuminda pa hopi dia, por ehempel manera awe ta e caso.

E hecho cu Cuba ta na e parti Noord di Caribe ta haci e gasto di combustibel tambe menos halto cu biahenan pa e islanan mas pa Noord of na rand di region di Caribe.

Turistanan cu ta dicidi pa estadia na Aruba tambe ta wordo influencia dor di distancia debi na e prijs mas halto pa un ticket pa Aruba cu un ticket pa bula di Merca pa Cuba.

Pues ora entrada di Fidel a kibra laso entre Merca y Cuba, turismo na e parti mas abou di region di Caribe a haya un oportunidad pa crece. Ora e relacion Merca y Cuba a parce di ta mehora, Cuba a bolbe subi como destinacion turistico pa Merca.

Awe pues un oportunidad ta wordo habri atrobe pa Aruba por trata di haya mas turista for di Merca sigur den e proximo lunanan cu ta temporada halto di turismo.

No mester lubida cu e medidanan anterior di Merca no tabata un peso pa Cuba manera e hecho cu awo no tin vuelo entre Merca y Cuba practicamente y loke tin ya a wordo yena.

Aruba mester sigui habri su mercado na Merca y gara oportunidadnan cu ainda e no a utilisa na forma maximo di e parti Oriental pero tambe e parti central di Merca.

Sobrevivencia di Aruba den e cuadro mundial ta exigi actuacion rapido pa cada oportunidad pa asina contraresta loke ta contra interes di Aruba.

Un cos ta sigur. Pa hopi pais den region di Caribe, cu actualmente ta for di temporada di horcan, e problema di Cuba ta un apertura nobo. Pues lo tin competencia pero e nomber di Aruba ta keda e nomber di turismo di calidad.

- Advertisement -

1 COMMENT

  1. Mester stop e aerlinea Chavista registra na Aruba cu nomber di Aruba bula pa Cuba. E Comnistanan ey ta daña nomber di Aruba! Papia cla. Exigi accion di gobierno pa para esey! Coi e avionnan den beslag pa costia i proteha bida di e refugiadonan na Aruba!

DUNA COMENTARIO

Please enter your comment!
Please enter your name here