Home Enseñanza Digiboards ta bay haci e lesnan hopi mas atractivo

Digiboards ta bay haci e lesnan hopi mas atractivo

87
0
SHARE
- Advertisement -

Minister Rudy Lampe:

ORANJESTAD  (AAN): Minister di Enseñanza Rudy Lampe for di algun tempo caba a anuncia cu e scolnan na Aruba ta bay haya asina yama digiboards, cu ta borachinan digital pa klasnan.

Diahuebs durante un conferencia di prensa el a splica cu Prowise ta e compania Hulandes cu cual el a yega na un acuerdo.

Representantenan di e compania ta na Aruba y pa algun tempo caba nan a duna training den con pa haci uso di e borchinan.

“E digiboards ta brinda un mundo di posibilidad y pesey tin cu train esnan cu ta bay haci uso di esaki, pa nan tambe train otronan con pa haci esaki”.

“E digiboards ta bay haci e lesnan hopi mas atractivo y e maestronan cu a participa den e training tabata hopi entusiasma, pasobra den cierto sentido e ta bay haci nan bida hopi mas facil”.

“Nos ta sumamente contento cu e training cu nos a ricibi for di Hulanda, pa loke ta uso di e digiboards”.

Esaki segun Lampe, kende a indica cu e scoge pa Prowise pasobra nan ta ofrece un cantidad inmenso di posibilidad.

El a bisa si cu diferente scol catolico a scoge pa diferente trayecto of compania, mientras cu scolnan publico a keda atras.

Pesey e intencion ta pa e scolnan aki tambe drenta e era di tecnologia digital.

- Advertisement -

DUNA COMENTARIO

Please enter your comment!
Please enter your name here