Home General E tankinan cu a regala Nicolas y 200 Miyon cu a disparce

E tankinan cu a regala Nicolas y 200 Miyon cu a disparce

68
0
SHARE
- Advertisement -

E acuerdo ta un carta di San Valentino pa Maduro 

Si tin algo cu lo no conoce scarsedad den e proximo decadanan, ta e topiconan cu muchanan lo tin na schoolnan na Aruba.

Mientras e situacion na Venezuela cada rato ta duna mas motibo pa puntra kico lo ta e futuro di Citgo, Aruba ta keda en espera di un contesta pa un lista largo di pregunta.

E preguntanan mas grandi ta den e acuerdo cu a logra cu Citgo. Un acuerdo cu lo pone cualkier instancia huridico na Aruba of na mundo, hari sin por stop. Cualkier studiante di derecho lo pensa cu ta comiquita e ta lesa.

E unico detayenan bon regla den e acuerdo, segun loke organonan halto di Aruba ta mustra, ta loke ta bay pa Nicolas Maduro y su cadena comunista.

Reino a laba man y a bisa cu ta gobierno anterior ta keda responsabel pa loke el a firma ora a bay topa cu regimen Nicolas Maduro.

Den un tempo di crisis cu a pone fin na tur siguridad rond di Maduro, Citgo, Aruba y mundo henter, un cos ta berdad.

Aruba no tin ningun confiansa cu e por saca algo for di Citgo cu no ta loke negociacionnan actual di e gobierno nobo ta logra.

No por topa ni sombra of spirito di loke Mike de Meza a yama e “bon Citgo”, cu ta parti di e misterio ora kier atende cu Aruba den e acuerdo cu DIARIO a rementa na 2018.

Tin parti di e misterio cu mester resolve pa asina Aruba haya poco trankilidad ya cu tur cu a hinca Aruba den problema, a bay sconde of ta haci comosifuera ta otro a haci loke nan a haci.

Na prome luga mester puntra cuanto placa Citgo a gana tur tempo cu Aruba ta pasa den problema. Citgo ta gana placa cu e tankinan cu Aruba por huur y haya placa di companianan cu no a bisa cu e placa ta gevries.

Mientras ta papia di placa, mester bira conoci kico a pasa cu 200 Miyon cu a disparce. Pasobra Juan Guaidó a bisa oficialmente cu 280 Miyon Dollar a wordo manda Aruba pero cu ta 80 Miyon so a yega.

Kico a pasa cu e resto di placa nunca a bira conoci.

Awe Aruba lo por a uza e placa pa paga trahado y contratista cu a wordo perhudica door di e acuerdo di misterio cu a firma cu Citgo.

Con un gobierno a hinca den su cabes pa bay firma e acuerdo sin ningun garantia pa Aruba y cu Nicolas Maduro cu mester a provoca un problema serio na Aruba, no ta conoci.

Kico a pasa cu 200 Miyon? Dificil pa contesta y mas dificil ainda pa bay puntra Nicolas Maduro!

- Advertisement -

DUNA COMENTARIO

Please enter your comment!
Please enter your name here