Home Comercio Exprodesk y Idea a rindi honor na tur stakeholders

Exprodesk y Idea a rindi honor na tur stakeholders

16
0
SHARE
- Advertisement -

ORANJESTAD (AAN): Durante un agasaho special teni siman pasa na Departamento di Asuntonan Economico, a rindi homenahe y expresa gradicimento na tur esnan cu a duna un man, a coopera, y a suministra informacion y cu a haci cu Exprodesk y Idea a bira asina exitoso durante 2019.

Den poco tempo, empresarionan na Aruba a bin compronde con importante e guia, workhop, y yudanza ofreci aki ta pa asina nan por keda opera riba e bon caminda, kedando al tanto di tur desaroyo den mundo di legislacion, di impuesto, di mercadeo, y mucho mas den mundo comercial.

Exprodesk y Idea a habri caminda pa facilita e bida di futuro empresarionan, cu ta haya un herment importante den nan man pa asina nan sa e ruta cu nan tin di tuma pa asina nan bira exitoso den negoshi.

Lo bon di tur esaki, ta cu diferente departamento gubernamental a ofrece nan sosten pa esaki, y tambe diferente instancia cu a lanta recien pa duna poder na futuro empresarionan, incluyendo Qredits.

Na e ocasion aki, Ministro di Asuntonan Economico, mr. Xiomara Maduro, hunto cu Directora di Asuntonan Economico, a haci entrega di certificado na tur esnan cu a yuda haci Exprodesk y Idea algo exitoso.

- Advertisement -

DUNA COMENTARIO

Please enter your comment!
Please enter your name here