Hopi ciudadano residente y local no conoce Aruba su leynan pa cu maltrato di mucha

    397
    0
    SHARE
    - Advertisement -

    Aisca Barkmeyer, directora Voogdijraad:

    ORANJESTAD (AAN)— Den un entrevista cu DIARIO, Aisca Barkmeyer, directora di Voogdijraad, a elabora tocante e falta di conocimento di Aruba su leynan, cu hopi persona cu a bin di otro paisnan a biba akinan y algun local, tin.

    Vooogdijraad ta topa cu hopi persona di diferencia nacionalidad y localnan tambe, cu a wordo lanta di un otro forma, y como mayornan no tin otro manera di disciplina of atende cu nan yiunan, pasobra nan no a siña otro, y nan mes a wordo atendi mescos, segun palabranan di Barkmeyer.

    El a acentua cu enberdad hopi di nan no a ser conoci cu Aruba su leynan y con e menornan ta wordo proteha pa ley. Tin di nan cu ta conoci cu e leynan pero nan ta biba cu e pensamento cu nan sa e manera con pa atende cu e situacion, y opinion publico tambe ta varia riba e aspecto aki.

    Barkmeyer a indica cu tin cosnan cu hende ta bisa cu ta mustra cu nan no ta conciente, y tin biaha personanan cu a wordo gedal structuralmente, tin cosnan cu a afecta nan den nan bida y ta un tema cu comunidad henter, vooral mayornan, mester pensa riba dje, y informa nan mes bon riba esaki.

    Den educacion di mucha e prome responsabilidad ta keda semper cerca e mayornan y ora un caso di maltrato di mucha ta surgi, e promenan yama pa Voogdijraad ta  e mayornan di e mucha.

    Director di Voogdijraad a señala cu ni con erg e maltrato tabata eseynan ta e prome personanan cu e departamento ta papia. Nan ta splica e mayornan cu esey no ta e forma di disciplina, y si ta trata di un famia stranhero nan ta wordo bisa cu na Aruba esey no ta aceptable y kico por ta su consecuencianan.

    Den casonan di maltrata extremo of si a uza obhetonan pa e maltrato di e mucha, Voogdijraad ta den e obligacion di haci aangifte pa esaki tambe.

    Maltrato domestico ta un problema cu ta preocupa Voogdijraad pasobra esnan cu ta ricibi e efectonan mas grandi ta e muchanan, cu no tin e manera pa cambia nan situacion for di nan mes. Ta e adultonan ta tuma e decisionnan ey. Barkmeyer ta indica cu tin dos camina pa traha riba esaki:

    Uno ta e comision cu a wordo lanta y cu ta bezig cu diferente campaña riba e tema, pa concientiza mayornan y instancianan pa por brinda ayudo via un tienda di educacion, ora cu e mayornan no sa con pa atende cu cierto problematica. Tur famia cu tin mester por acerca e instancianan aki y nan ta dispuesto pa duna ayudo.

    Dos, ora cu e prome maltrato tuma lugar acerca caba cu esey, na Sostenemi, cu por yuda cuminza ayudo tempran, pa cambia e comportacion di hende, cu ta algo dificil pa cambia y esey ta conta pa nos tur, Aisca Barkmeyer a subraya. Pa trece e cambionan aki ta importante pa cuminza na un manera tempran, pa trata e situacion aki.

     

     

     

    - Advertisement -

    DUNA COMENTARIO

    Please enter your comment!
    Please enter your name here