Home Hudicial Huez a atende Agente sospecha di malversa dos Tetraradio di Polis y...

Huez a atende Agente sospecha di malversa dos Tetraradio di Polis y cu a laga su mes worde cumpra

1549
0
SHARE
- Advertisement -

Fiscal a exigi trabao pa comunidad y castigo condicional

ORANJESTAD (AAN): Riba Diaranson a sigui cu tratamento di e caso penal cu Ministerio Publico a cuminsa contra e dos rumannan R.T. y L.T. y e agente di Polis, di inicial A.M.

Esaki ta e caso caminda A.M. a facilita e rumannan T. dos Tetraradio di Polis pa scucha tur loke ta sosode.

Tetraradio ta e sistema Walkie Talkie Digital cu Polisnan na Aruba ta usa pa comunica na Aruba.  E sistema di Tetraradio ta scrambled digitalmente, y no ta existi ningun scanner adecuado pa scucha combersacionnan.

Dos Fiscal a uni pa tratamento di e caso aki, mescos cu tabata e promer caso contra e grupo cu a worde condena pa usa Tetraradio di Polis sin tin permiso pa esaki.

Fiscal a bisa cu ta acusa A.M. cu entre 1 November 2016 y 1 November 2017, a malversa 2 Tetraradio di Polis. Fiscal a sigui bisa cu subsidiario e ta acusa A.M. cu den e mesun periodo a horta e Tetraradionan di Polis. Tambe Fiscal a acusa A.M. di a laga su mes worde cumpra pa e Tetraradionan di Polis. El a haya placa pa e Tetraradionan aki.

E rumannan R.T. y L.T. ta worde acusa cu entre 1 November 2016 y 1 November 2017 a acerca A.M. y a provoca A.M. pa e facilita Tetraradionan di Polis. Tambe Fiscal ta acusa nan di ta complice di malversacion di e Tetraradionan di Polis. Fiscal a bisa cu subsidiario e ta acusa nan di encubrimento di e Tetraradionan di Polis cu a worde horta.

Na November 2019, a trata e caso contra R.T. y L.T. caminda Fiscal a exigi pa R.T. haya 186 dia di prison (di cual 180 dia ta condicional) cu 3 aña di prueba. Tambe el a exigi 240 ora di trabao pa comunidad y si R.T. no cumpli e lo mester bay 120 dia den prison.

Fiscal a exigi pa L.T., castigo di 180 ora di trabao pa comunidad y si e no cumpli cu esaki, 90 dia sera den prison.

Fiscal ta haya cu e rumannan T. a haci nan mes culpable di delitonan serio. Intencionalmente a provoca agente di Polis pa worde cumpra pa radio. Intencionalmente a provoca malversacion di Tetraradionan di Polis.

Intencionalmente tabata scucha radio di Polis via aparato den telecomunicacion. Fiscal ta haya cu ta puramente pa propio interes nan tabata haci’e y tabata viola privacidad di hendenan.

Diaranson mainta Fiscal a cuestiona e hecho cu e agente di Polis a malversa dos Tetraradio di Polis y tambe di a laga su mes worde cumpra.

Fiscal a exigi 240 ora di trabao pa comunidad y si e agente A.M. no cumpli e lo mester bay 120 dia sera. Tambe Fiscal a exigi 6 luna di prison condicional cu un tempo di prueba di 2 aña.

Diaranson mes abogado mr. Rasmijn a defende A.M. mientras cu mr. Lejuez a defende R.T. y L.T. Despues di a scucha tur partido, Hues a sera tratamento di e caso y a bisa cu dia 29 Januari 2020 lo tin sentencia.

- Advertisement -

DUNA COMENTARIO

Please enter your comment!
Please enter your name here