Home Hudicial Huez a dicta cu enfermera di KIA tin cu wordo paga, te...

Huez a dicta cu enfermera di KIA tin cu wordo paga, te ora cu apelacion keda cla

279
0
SHARE
- Advertisement -

ORANJESTAD(AAN): Algun tempo atras a tuma lugar un caso cu un enfermeria di KIA a entama, despues cu el a trece dilanti cu inhustamente el a wordo kita for di trabao.

E muher a wordo deteni na October di 2016 y despues cu riba dia 12 di October su detencion a wordo prolonga, e peticion pa prolonga e detencion un biaha mas a wordo rechaza riba 21 di October.

E muher a wordo acusa di a trece droga den KIA pa un preso a cambio dip ago.

Door di esaki el a wordo kita di trabao, pero e enfermeria a keda para ariba cu e no ta culpable.

El a cuminza full un proceso pa purba haya su trabao bek y pa e haya pago di su salario pa tur e varios lunanan cu e no tabata traha.

E caso di ambtenaar a wordo trata den corte y porfin riba 25 di Maart 2019 e muher a haya razon, pero Gobierno a apela e decision di huez riba 24 di April 2019.

Riba 9 di September e enfermera di KIA via su abogado a haci un peticion na corte pa e haya pago di su salario desde 14 di Mei 2018.

Despues di trata esaki den corte, huez riba 8 di October a duna su veredicto, unda cu a el a indica cu mester paga e enfermera desde 9 di September e placa cu e mester haya di salario, te dia cu un decision definitivo cay den e caso di apelacion.

- Advertisement -

DUNA COMENTARIO

Please enter your comment!
Please enter your name here