Home Comentario Medida di Servicio di Impuesto ta un abuso contra e ciudadano!

Medida di Servicio di Impuesto ta un abuso contra e ciudadano!

39
0
SHARE
- Advertisement -

Reaccion tocante boet riba number di auto:

ORANJESTAD (AAN) – Keto bay DIARIO ta sigui haya yamada di ciudadanonan cu ta reacciona riba e boet cu Servicio di Impuesto kier, of a impone, riba e ciudadano cu ta paga cu retraso e impuesto riba number di auto.

Manera Servicio di Impuesto a informa den conferencia di prensa, e boet ta consisti di e mitad di e suma cu e persona tin cu paga pa su plachi number.

Alomenos gobierno a prolonga e fecha te 28 di Februari, pero asina mes e ciudadanonan ta haya cu esaki ta un decision unilateral y autoritario y un abuso contra e pueblo, cu ya caba ta dunando di mas na gobierno, di un of otro manera, fuera cu tur cos ta asina caro cu ta sobrepasa e poder di compra, no so di esnan cu entrada minimo of un tiki menos limita, pero pa esnan cu tin un entrada di 3.000 pa 4.000 florin, mal yama ‘clase medio’, pasobra pa nan e costo di bida ta sumamente halto tambe.

Un ciudadano a comenta cu kizas pa esnan di Impuesto esaki no ta nifica mucho cos pasobra nan ta gana tremendo salarionan y por biba manera “rey of reina cu corona riba nan cabes” pero e clase trahador normal no ta biba asina aki. Gobernante y Parlamentarionan tambe por afford sin mucho dolor, pero no e clase trahador cu ora di eleccion si tur politico ta corda cu nan tey!

KI HUBO DI RETRIBUCION?

Ah, otro ciudadano a expresa: “Pero ki hubo di retribucion? Ora ta gobierno ta debe e pagador di belasting loke a paga di mas (gobierno ta cobra di mas) ta añanan ta pasa sin cu nan ta haya nan cen bek. Pero te ainda no tin un ley (aparentemente si tin na Hulanda) pa exigi gobierno cumpli cu e retribucion di impuesto pero na Aruba no tin ley! Por corda un parlamentario cu a bin cu e idea di formula un ley asina, pero awo e ta den gobierno y ta mustra cu el a lubida riba su idea aki.

- Advertisement -

DUNA COMENTARIO

Please enter your comment!
Please enter your name here