Home General Mike de Meza ban papia di placa di Citgo!

Mike de Meza ban papia di placa di Citgo!

247
0
SHARE
- Advertisement -

Carta abierta na e arkitecto di e desastre Arubano

Na e momentonan aki, Aruba ta pasa den un situacion sumamente serio. No ta trata mas di un crisis financiero, cu a wordo ocasiona pa un gobernacion cu a drenta historia como e destruccion di e pais.

Nos por produci un serie di rapport pa mustra kico gobierno anterior a haci cu e bienestar di Aruba pa nan por a keda na poder y asina gosa di titulonan y poder politico cu den sector priva hende mester alcansa a base di trabou duro y mereci.

Awe Mike de Meza, cu aparentemente no tin berguensa di e debe nacional, e abuso total di 1.6 Miyon di Bo Aruba (cu nos mester paga durante tres decada) pa no papia mes di su “bon Citgo” cu el a yuda uza pa deshaci di e bienestar di Aruba.

E dolor di Aruba, e dolor di trahadonan, e dolor di hobennan cu ta mira nan porvenir destrui, tin un nomber: gobierno anterior y sigur Mike de Meza cu tabata tin e posicionnan pa por a manda Aruba cabes abou den e brugnan sin vangrail cu su partido a construi.

Awe cu Mike de Meza atrobe kier acusa otro di e abuso cu como gobernante hunto cu su gobierno anterior el a comete contra Aruba, nos kier pidi su persona pa ban papia di placa di Citgo.

E momento a yega pa pidi Mike de Meza, padrino di e proyecto Citgo y partner scogi di regimen Nicolas Maduro, pa papia cu Aruba un rato di e placa di Citgo.

Na 2017 hasta Reino ainda tabata busca mas informacion riba placa di Citgo, cu solamente Mike de Meza y su compañeronan den gobierno anterior, por a mira.

Na 2016 henter mundo di buena fe, tabata bati alarma pa e negociacion entre Mike de Meza y Nicolas Maduro, cu despues a tira hasta e “amigo del alma” di Mike de Meza,  Nelson Martinez,  den prizon caminda el a muri.

Mike de Meza, bin splica Aruba si Citgo tabatin placa, ora a pone Aruba baila pa entrada di e proyecto. Bin splica Aruba cu ta un compania cu bo amigo dictador, Nicolas Maduro, a hipoteca na Rusia y na companianan financiado di Merca y Inglatera, cu awe ta e doñonan berdadero di Citgo y PDVSA cu no tin placa pa cay morto.

Mike de Meza bin bisa Aruba si ta berdad of no, cu tabata conoci cu Nicolas Maduro y su grupo ta wordo persigui pa Merca pa crimennan di droga, labamento di placa, ladronicia di placa di Citgo cu nan a laga na ruina.  Na e momento cu Merca los su man for di Citgo, no tin Citgo mas.

Mike de Meza, berguensa loke bo ta haci. Abo personalmente hunto cu bo amigonan di gobierno anterior a asesina bienestar di Aruba deliberadamente ora boso a trapa riba ley y contra tur regla y advertencia a mara Aruba na su destruccion.

Historia sigur lo papia di bo Mike de Meza. Pero prome, bin haci loke den ningun rapport por descubri cu ta cifranan cu pa prome bes for di 2016, a wordo presenta dor di e Prome Ministro actual, cu a duna pueblo e informacion cu abo no por a duna.

Prome Ministro Evelyn Wever-Croes awe ta papia di cifranan, cu abo no por a presenta ora bo a destrui Aruba cu un proyecto cu ta den centro di un crisis mundial.

Si, Mike de Meza. Bo ta padrino, origen, arkitecto di un proyecto cu a hinca Aruba den peliger mundial na interes di regimen Nicolas Maduro, cu mundo kier baha di poder.

Bin splica Aruba poco di tur e placa cu Citgo mester tin, Mike de Meza. Prome bo papia, check cu boso partner Nicolas Maduro.

Bo no tin berguensa?

- Advertisement -

DUNA COMENTARIO

Please enter your comment!
Please enter your name here