Home Gobierno Minister di Husticia cu 4 punto importante di enfasis  durante Justitieel Vierlanden...

Minister di Husticia cu 4 punto importante di enfasis  durante Justitieel Vierlanden Overleg

24
0
SHARE
- Advertisement -

ORANJESTAD (AAN): Durante e conferencia di prensa di Gobierno di tur Dialuna , Minister di Husticia Andin Bikker a papia di e cumbre na Corsow entre e ministernan di Husticia di e pais y islanan den Reino Hulandes, esta e asina yama Justitieel Vierlanden Overleg.

Ta bay trata diferente tema y e mandatario a indica cu tin 4 tema cu e ta bay pone enfasis riba dje.

“E prome tema ta e situacion regional, esta e situacion di inseguridad door di e problemanan na Venezuela”.

“Ta bay papia tambe riba ‘Restorative Justice’ y den e cuadro aki UNICEF a mustra riba e hecho cu e sistemanan hudicial hopi biaha ta rigido y no ta tene cuenta cu un hoben menor di edad, un hoben creciente cu por wordo stigmatiza si e faya un rato y bin den contacto cu husticia”.

Esaki segun Bikker, kende a sigui bisa cu restorative Justice ta duna un tipo di mediacion, caminda cu no solamente e persona cu a bin den contacto cu husticia ta haya atencion, pero tambe e victima.

E persona cu cay cera por ehempel por wordo yuda pa E-Learning, pa asina nan por reintegra den comunidad na un bon manera ora cu nan sinta nan castigo.

Un otro tema cu ta bay pone enfasis riba dje ta e hecho cu a tuma over for di Hulanda 19 vehiculo specializa.

“Te aworaki de bez en cuando bo ta haya notificacion cu na Hulanda nan ta bay reemplaza vehiculonan specializa y ta trata di autonan cu no ta facil pa yega na dje pa lease”.

“Ta papia por ehempel di vehiculonan special pa transporta detenidonan”.

“E vehiculonan ta hopi costoso y pa Aruba reemplaza esakinan tin mester di hopi fondo”.

Esaki segun Bikker, kende a indica cu for di Hulanda a haya e 19 vehiculonan specializa, cu lo a costa Aruba masha hopi placa.

El a indica cu e intencion ta pa haya un acuerdo cu Hulanda, pa ora cu nan ta bay reemplaza equipo manera e vehiculonan aki, Aruba haya un opcion pa tuma nan over.

- Advertisement -

DUNA COMENTARIO

Please enter your comment!
Please enter your name here