Home General Minister Presidente ta mustra importancia di e campaña di earplugs di Quota...

Minister Presidente ta mustra importancia di e campaña di earplugs di Quota Club

105
0
SHARE
- Advertisement -

ORANJESTAD (AAN) – Minister Presidente mr. Evelyn Wever-Croes, a hiba palabra durante e conferencia di prensa organiza pa Quota Club.

E dignatario a expresa cu pa su persona tabata un honor di ta presente e dia ey y a felicita Quota cu un biaha mas nan a bin cu e iniciativa di earplugs pa carnaval.

E mandatario a bisa cu e campaña di earplugs no ta algo nobo pero ta conoci, y algo cu nan ta papiando hopi aña di dje, y ya e ta algo cu no por imagina un carnaval sin e campaña aki.

Minister Presidente a expresa cu, naturalmente, Quota Club no ta su so. Den e campaña aki sr. Glenn Rock di WEB Aruba NV ta hunga un rol hopi importante. Prome Minister a bisa cu e motibo cu mas e ta aprecia ta cu Quota ta purba concientiza e muchanan na scolnan pa nan hiba e mensahe na nan hogar y asina yuda den e concientizacion di cuido di oido.

El a expresa cu oido ta un bo tin y e ta comunica bo cu resto di mundo, y ora bo perde, dificilmente lo haya bek. Pesey caminda cu por evita esaki, mester hacie. E muchanan ta disfruta hopi mas si nan oido ta proteha. Tambe e adultonan pero esaki ta nan escogencia. E muchanan ta wak den e adultonan esnan cu tey pa proteha nan y den e caso aki tambe.

Minister Presidente a haci un yamada pa ban tene cuenta cu e Carnaval aki, mescos cu mayornan ta hunta e muchanan cu protector solar, y percura pa nan come y bebe bon, ban cuida nan oido cu ta asina delicado.

- Advertisement -

DUNA COMENTARIO

Please enter your comment!
Please enter your name here