Home Gobierno Ministro Knops impresiona cu trabao di Fundacion FHMD y Monumentenzorg y di...

Ministro Knops impresiona cu trabao di Fundacion FHMD y Monumentenzorg y di ImSan

76
0
SHARE
- Advertisement -

ORANJESTAD (AAN): Riba Dialuna, Ministro Knops di Asuntonan Interior y Relacion di Reino, a bishita Aruba.

Ademas di combersacionnan cu Gobernador y Prome Mnistro, el a bay obtene informacion di e trabao cu Fundacion pa Hende Muhe den Dificultad (FHMD) ta haci riba e isla.  Tambe a bay check e trabao di Monumentenzorg na Aruba.  Tambe el a haci bishita na Instituto Medico San Nicolas (ImSan).

E bishita ta forma parti di un viahe cu e titular Hulandes a haci pa islanan ABC e siman aki.

Durante e bishita na FHMD, a subraya e trabao importante cu nan ta haciendo pa duna sosten na muhernan vulnerable y muchanan na Aruba.  Hulanda mes a suministra subsidio extra relaciona cu e crisis di Venezuela, pa amplia e trabao pa di e 15 muhernan cu tabata wordo sosteni antes, pa e bira awor 40 persona.

Ministro Knops aki a bisa: “Mi ta haya esencial cu nos ta ofrece e gruponan vulnerable aki un sosten, unda cu nos por opera segun standardnan internacional.”

E Fundacion ta yuda duna cuido na muhernan victimanan di e.o. traficacion humano y tambe di violencia domestico.

“Fundacion Hende Muhe den Dificultad ta efectua aki un trabao importante, y mi ta contento cu como Hulanda nos por contribui na e engrandecimento di e capacidad di e lugar aki y e educacion di personal.”

   MONUMENTONAN:

Bao guia di Director di Monumentenfonds, Ministro Knops a haci bishita na e Forno di Kalki restaura den centro di Oranjestad.  E monumento aki a wordo haci posible cu placa di Fondo Desaroyo di Aruba (FDA).

Aki Knops a bisa: “Mi kier felicita Stichting Monumentenfonds Aruba cu e finalizacion exitoso di e proyecto aki.  Ta importante pa nos sigui inverti pa asina conserva e historia di e pais aki.”

Durante e bishita na ImSan, nan a splica Knops di e plan pa esaki bira un centro medico pa region, y esaki ta un adicion bon bini na poblacion di e isla y e region rond di dje,.

Pesey ImSan a haci escogencia pa specializa den algun tereno, manera dialisis di riñon, y e tratamentonan radiologico.  Pa e ultimo aki ta trahando un centro pa esey.  Di e forma aki e experticio aki lo ta disponible no djis pa hendenan di Aruba sino tambe pa e demas islanan den region.

Aki Ministro Knops a bisa: “E facilidad medico aki ta un adicion na e rango existente na Aruba.  Esaki ta bon pa e pacientnan y empleo na Aruba.  Mi ta spera cu e centro aki lo por hunga un rol central, den e atencion medico specializa aki pa region.”

 

- Advertisement -

DUNA COMENTARIO

Please enter your comment!
Please enter your name here