Home General Ora crucial pa eleccion presidencial na Merca a yega

Ora crucial pa eleccion presidencial na Merca a yega

87
0
SHARE
- Advertisement -

Aruba  tambe pendiente di loke lo afecta futuro mundial

*Proximo dianan ta dicidi si Trump ta gana of perde eleccion

*Hasta base legal di motibo di impeachment lo no ta existi

ORANJESTAD(AAN)–Un di e momentonan mas historico pa Estados Unidos, a bati na porta. Mientras representantenan di gobierno Mericano rond mundo ta tene nan mes ocupa cu situacionnan internacional dificil, e guera electoral na Merca a yega su momento crucial.

Amigo y enemigo di e actual Presidente Mericano, Donald Trump, ta preocupa cu loke e paso di Partido Democratico pa impeach Trump den Cas di Representantenan di Congreso Mericano, por nifica.

Conocedonan di e sistema electoral y legal na Merca ta conclui, cu e proximo dianan ta dicidi si Trump ta gana of perde eleccion 2020 na Merca. Ta sumamente obvio cu e situacion interno di Partido Democratico a hunga un papel obvio den e decision pa impeach Trump a base di un argumento cu segun expertonan legal no ta basa riba ley na Merca.

Congreso na Merca ta consisti di dos parti. E Cas di Representantenan, den cual mayoria ta di Partido Democratico, y Senado di cual mayoria ta Partido Republicano.

E Cas di Representantenan a dicidi cu ta impeach Trump loke ta nifica cu si Senado sigui e loke Cas di Representantenan a prepara pa e huicio di Trump den Senado, Trump lo mester baha como Presidente.

E resultado lo ta pa Partido Democratico, cu Partido Democratico ya lo no ta so den su problema pa yega na un candidato presidencial ya cu te awor nan tin 12 candidato mientras e eleccionnan primario ta cuminsa na inicio di februari. Si den Senado decision cay pa impeach Trump, Partido Republicano lo ta na careda pa bini cu un candidato nobo cu mester core campaña.

Si Partido Democratico haya loke e kier, Trump mester baha loke lo haci facil pa cualkier persona cu resultado candidato di Partido Democratico, gana eleccion na November pasobra Partido Republicano mester busca candidato pa reemplasa Trump.

Si Partido Democratico no haya loke e kier, e ta den un problema sumamente serio pasobra Trump cu a recupera economia na Merca y tin basta punto na su fabor enfrente e votado Mericano, lo gana eleccion na Merca.

Encuestanan riba opinion publico ta varia mescos cu e sosten di medionan di comunicacion cu ta mustra claramente na cual banda nan ta.

Loke ningun hende por pone un banda ta si ley ta permiti pa baha Trump a base di e acusacion di Cas di Representante.

E abogado di Trump den e huicio di Senado a bisa cu ley Mericano no conoce e motibo cu e mayoria di Partido Democratico kier uza.

Diaranson e huicio ta cuminsa ora e acusadonan di Trump presenta nan caso pa despues Trump defende su caso prome cu e debatenan haya inicio.

Historia Mericano ta registra un momento importante cu henter mundo ta vigila ya cu e ta bay dicidi pa un cantidad di asunto internacional na 2020.

 

- Advertisement -

DUNA COMENTARIO

Please enter your comment!
Please enter your name here