Home Cultura Otro siman Biblioteca Nacional tin actividad “Pa un bon comienzo di Aña...

Otro siman Biblioteca Nacional tin actividad “Pa un bon comienzo di Aña Nobo”

40
0
SHARE
- Advertisement -

ORANJESTAD (AAN): Diaranson, 22 di januari 2020, di 6.30 pa 9.30 di anochi lo tuma lugar e prome actividad di 2020 di Biblioteca Nacional cu yama  “Pa un bon comienzo di aña 2020’.

Esaki naturalmente ta bay tuma lugar na e Biblioteca mes.  Durante un conferencia di prensa Diaranzon Mirto Lacle a splica cu hunto cu Biblioteca y Departamento di Cultura e ta bay presenta e un actividad cu un programa multidisciplinario,  pa duna comienzo na un bon entrada den e aña nobo 2020.

“Nos ta bay tin un programa dedica na e islanan ABC, esta Aruba Boneiro y Corsow, cu enfoke riba Papiamento/Papiamentu”.  “Ta un tipo di rescate di memoria, ya cu nos ta bay recorda un siglo y mas”.

Esaki según Lacle, kende a sigui bisa cu durante e programa lo tin un enfoke riba diferente disciplina, entre otro Literatura , Arte, Cultura, Linguistica y Educacion en general. Lo tin presentacion di charla, musica,  declamacion y sketch.

Lo enfoca sigur riba Padu Lampe, Hubert Booy y mas

E programa lo consisti di algun orador, entre otro Sidney Joubert for di Corsow cu lo hiba un charla tocante Comision principal di ortografia di Papiamento di Siglo XX, lo presenta e buki ‘E cuentanan di Nanzi’ pa Nilda Pinto Jesurun version Papiamento-Ingles y lo enfoca riba 2 obra di Pierre Antoine Lauffer.

Lacle a splica tambe cu lo pone enfoke riba personanan significante riba  tereno cultural cu a nace na 1918 -1919-1920.

Pues ta trata di Recuerdo di mas cu un Siglo. Lo continua cu Rescate di Memoria, pasobra abo tambe ta conta.

Lo tin tributo na memoria di Tony Thijsen, Embahador Musical Arubano nacional y internacional.

Entrada ta bay ta gratis.

Durante e conferencia di prensa Ronny Kock a splica cu e tabata hunto cu Tony Thijsen hopi trempan.

“Mi ta corda bon cu Tony tabata un icono di nos pueblo di Aruba y di Antillas”.

“Tony a representa Aruba na varios pais y el a toca tambe na Hulanda”.

“Aki na Aruba mi a toca hunto cune y nos a toca entre otro pa Reina Beatrix”, según Kock, kende a sigui bisa cu den su tempo tabata un genio y un tremendo artista tocando diferente instrumento, mientras cu den cantamento e tabata canta tur e voznan.

- Advertisement -

DUNA COMENTARIO

Please enter your comment!
Please enter your name here