Home Parlamento Parlamentario Croes ta mustra cu pueblo ta pidi un update den casonan...

Parlamentario Croes ta mustra cu pueblo ta pidi un update den casonan IBIS y Avestruz

162
0
SHARE
- Advertisement -

ORANJESTAD (AAN): Parlamentario Endy Croes a ricibi masha hopi pregunta ultimo dianan alrespecto casonan di corupcion di ex ministernan di AVP y intimo amigonan di Mike Eman.

Ta trata aki di casonan conoci como IBIS unda Paul Croes a wordo condena na 4 aña di prison mas 9 aña cu e no por cubri ningun funcion den gobierno y e otro ta caso Avestruz cu Benny Sevinger como e sospechoso principal.

Benny ta wordo sospecha entre otro di a coopera y facilita bentanan di tereno miyonario.

Pues Benny tabata otorga na NV-nan cu ni a lanta ainda opcionnan riba tereno comercial y despues facilita nan e bendicion pa bende e sharenan pa un cumprado unda e opcion di e tereno ta bay cune pa sumanan miyonario. Asina por nombra un ehempel bibo di un solo benta.

Un tereno na Eagle a wordo bendi pa 3.5 miyon dollar.

Pa locual ta trata e caso IBIS pueblo a compronde cu Paul Croes a bay Hoge Beroep unda 3 hues lo bay toets e caso awor.

Parlamentario Endy Croes a sinti e necesidad pa haci un pregunta publico na Ministerio Publico como cu tur caminda, den tur supermercado, na veld, na lugarnan publico Pueblo  expresando cada dia mas fuerte nan preocupacion. No kier ni pensa mes cu den ambos caso cosnan asina lo bira normal. Pueblo ta expresa dicon na Corsou si cosnan ta cana mas liher.

Parlamentario Croes ta splica pueblo over en over cu semper  Ministerio Publico ta un instancia completamente independiente y cu ni Parlamentario tampoco Minister tin eyden.

Tambe ta splica pueblo cu e casonan aki ta casonan hopi grandi di corupcion cu ta exigi su tempo pa investigacion por wordo complementa promer cu hiba e supuesto criminalnan  dilanti mesa berde.

Esun principal ta ex minister di AVP Benny Sevinger cual caso a haya e nomber di Avestruz.

Pueblo ta puntra tambe si por cobra e ministernan di AVP bek e placa cu nan a ranca di comunidad na un manera criminal.

Parlamentario Croes ta splica pueblo cu esey lo bira un otro caso y esey lo tin di haber cu afpak team pero pa awor mas importante ta pa pueblo haya sa kico exactamente a pasa cu su patrimonio y kendenan tur tabata den e fiesta aki y kendenan tur lo mester para responsabel y carga nan consecuencianan.

Parlamentario Croes na un manera respetuoso den nomber di Pueblo ta haci un apelacion na Ministerio Publico pa kisas duna un update con e casonan aki ta canando of si tin fecha nobo pa e caso di IBIS y asina trankilisa e angustia den comunidad riba e temanan aki.

- Advertisement -

DUNA COMENTARIO

Please enter your comment!
Please enter your name here