Home Gobierno Reforma Fiscal y Presupuesto di pais Aruba ta na Raad van Advies

Reforma Fiscal y Presupuesto di pais Aruba ta na Raad van Advies

48
0
SHARE
- Advertisement -

Minister di Finanzas: Den fase dos BBO ta keda manera cu e ta

ORANJESTAD (AAN):  Durante conferencia di prensa dialuna mainta, a puntra Minister Xiomara Maduro con ta bayendo cu e reforma fiscal. Riba esaki el a bisa cu esaki ta na Raad van Advies pa por haya nan conseho mescos cu presupuesto di pais Aruba.

E dosnan aki ta bay cana hunto y probablemente tur dos lo yega Parlamento na mesun momento pasobra tur dos tin di haber cu otro.

A cuminza na duna locual ta e parti beneficioso fin di aña pa asina comunidad por tin un aliento tambe, Maduro a manifesta, y tambe pa purba cambia e pensamento cu reforma fiscal ta algo malo.

El a indica cu e reforma fiscal “ta algo bon pa e pais akinan, pasobra nos ta bayendo un sistema mas simpel y mas husto pa e pais akinan. Cambionan semper lo trece cune cu un grupo ta contento y cu un grupo ta menos contento. Pero den e caso aki, bo ta mira e parti mas amplio ta cu e ta pa yuda cada un di e grupo ey”.

A agrega cu ta buscando e balans cu Aruba tin mester como pais ya cu e sistema fiscal tin componentenan cu ta hopi anticua.

E mandatario a laga sa cu no ta bay tin cambionan drastico den e reforma fiscal. “Sigur no den e fase dos”. Den e fase dos tambe tabata premira di kico ta bira e futuro di BBO. Esey tambe a indica cu den e di dos fase e no ta bay ta pasobra e decision ey no a wordo tuma. Pesey BBO ta keda manera cu e ta. No tin cambio di tarifa ni den su componentenan, Maduro a remarca.

E reforma fiscal ta tuma lugar den 4 fase y ta trahando awor den e implementacion di e di dos fase, cua algun cambionan. Lo sigui traha den e di tres y di cuatro fase.

Asina cu tin e consehonan di Raad van Advies ariba e fasenan aki, e ora Gobierno lo trece mas informacion dilanti, a bisa. Mescos lo sosode cu Presupuesto, cual lo tin cambio pa locual ta bira e manera con e ta hinca den otro.

E cambio aki ta encera cu Parlamento di Aruba ta bay haya un mihor bista di con e documento ta hinca den otro y tambe ta bay tin mas splicacion relaciona cu e sistema y di e situacion financiero di Aruba, e mandatario a finaliza bisando.

 

- Advertisement -

DUNA COMENTARIO

Please enter your comment!
Please enter your name here