Restonan mortal di Raul Amundaray lo wordo dera na Aruba

    3293
    0
    SHARE
    - Advertisement -

    ORANJESTAD (AAN): Un informe publica riba Diaranson, ta mustra cu e yiu muher di e actor fayeci Raul Amundaray, Omira Coromoto, a bisa cu e restonan mortal di su tata lo wordo dera den un kelder cu ta pertenece na famia Habibe.

    E restonan di Raul Amundaray lo wordo hiba pa Aruba, y lo bay resposa den e kelder di su ex-casa, Omira Habibe.  Raul Amundaray y su yiu muher Omira Coromoto tabata bibando 2 aña na Houston (Texas), unda cu Dialuna anochi el a fayece.

    Segun e periodista Aquilino José Mata di e medio “Informe 21”, el a papia directo cu e yiu muher Omira Coromoto.

    Omira ta e di segundo di e tres yiunan cu Raul Amundaray tabatin cu Omira Habibe.  E otronan ta Raul y Rodolfo Alberto, di cual tur dos ta bibando na Aruba hunto cu nan mama.

    Omira Coromoto a splica cu su tata cu 83 aña di edad, tabata bon di salud.  Dialuna tabata celebra Martin Luther King Day na Merca, y nan dos hunto cu e tres yiunan di Omira a bay diverti nan mes, probechando di e weekend largo.

    Ora di yega cas, su tata a bise cu e ta bay descansa den su camber pasobra e ta un poco cansa.  Un rato despues Omira a bay mire, y a haye hopi mal mes, kehando di un malestar profundo.  Pesey mesora a yama Ambulans, cu a bay cune Hospital.  Pero ya no por a haci nada mas.  Paramediconan a traha cune pero tabata envano, y el a fayece.

    Hopi aña pasa el a yega di haya un atake di curazon na Caracas, pero esey no a ripiti mas.  Awor nan ta supone cu esun di awor lo por a bin mas bien debi na su edad.

     

    - Advertisement -

    DUNA COMENTARIO

    Please enter your comment!
    Please enter your name here