Home Gobierno Scolnan ta bay haya alarmanan special

Scolnan ta bay haya alarmanan special

135
0
SHARE
- Advertisement -

Minister di Husticia:

ORANJESTAD (AAN): Mirando e caso unda cu tabata tin un alerta di menaza na Colegio Arubano, unda cu supuestamente un hende lo tabata tin e intencion di hasi uso di un arma di candela, minister di Husticia Andin Bikker durante un conferencia di prensa Dialuna mainta a reacciona riba esaki.

E mandatario a reacciona tambe riba e caso di vandalismo y candela na un scol na Macuarima.

“Siman pasa cu nos a delinea e Bikker a splica cu siman pasa ora cu a delinea e ampliacion di e maneho pa preveni crimennan di impacto halto, nos mas bien a concentra e ora ey riba joyeria, casino, hotel, banco etc”.

“Den e mesun rosea ey, awe mainta nos a dicidi pa nos amplia un par di dimension di e maneho aki, enfocando riba e seguridad di nos scolnan”.

Esaki segun Bikker, kende a sigui bisa cu entre otro lo bin cu un comision di experto pa haci un evaluacion na diferente instancia incluyendo scolnan, pa wak por ehempel kico e scolnan tin caba como medidanan di seguridad.

Seguridad di candela tambe, pero seguridad en general.

“Den e cuadro aki mi por menciona cu nos ta yegando na un acuerdo cu entre otro e autor Leen van der Plas, cu tin un bon acuerdo di cooperacion cu e opleiding di polis di KPA”.

“E filosofia ta cu na un manera proactivo bo ta traha riba seguridad, via entre otro tecnologia y infrastructura “.

“Bo tin cu wak kico tin caba y kico por wordo mehora y optimaliza”.

“Los di esey mester haci ‘Predictive Profiling’ cu ta e dimension caminda cu a base di profiling bo ta pre-detecta caba cu quizas tal persona por trece e seguridad di e lugar den peliger”.

Esaki segun Bikker, kende a indica cu e task force cu a wordo institui siman pasa ta bay wordo amplia pa e scolnan tambe.

El a sigui bisa cu ta bay bin cu alarmanan na e scol.

No solamente un alarma di candela, sino tambe un alarma cu un maestro di scol por primi, si tin un menaza na e scol.

- Advertisement -

DUNA COMENTARIO

Please enter your comment!
Please enter your name here