Home Policial Security-camera a confirma cu tin un Peeping-tom ta cana den area di...

Security-camera a confirma cu tin un Peeping-tom ta cana den area di Ponton

914
0
SHARE
- Advertisement -

ORANJESTAD (AAN): Central di Polis a dirigi un unidad Policial Diahuebs poco prome cu 8’or di anochi na un adres na Ponton, relaciona cu un situacion sospechoso.

Na yegada, e patruya a papia cu e señora di inicial K. y el a declara, cu pa mas o menos 7:40 pm, un homber desconoci a cana drenta den cura di cas di denunciante.

Ademas e señora K., a declara, cu e tin grabacion riba Security Video di e incidente cu a tuma lugar.

Polis a bay check e Security Video, y e agentenan a mira un homber desconoci bisti cu T-shirt preto cu carson largo color preto, canando pia abao a drenta cura di e habitante.

E homber desconoci ta color bruin scur y su cabey cortico preto. Ora cu e homber desconoci a drenta den cura el a cana direccion panort di e cas y a trata di wak door di e bentananan den e cas.

Despues e mesun homber desconoci aki a cana bay direccion di un otro cas (trailer) cu tambe ta riba e mesun  tereno y aki tambe, e mesun homber desconoci a bolbe trata di wak door di e bentana di e cas.

E mesun homber aki, a cana bay patras den cura y probablemente el a subi y bula muraya cu ta bay na Punto de Oro  Residence.

Danki na e grabacion aki, Polis tin imagen di e cara di e homber, tambe nan sa con su curpa ta, y muy pronto cu nan mire riba caya, nan sa cu nan lo bay papia seriamente cune.  E persona aki tin problema, pues e mester busca yudanza profesional.

Un advertencia ta bay na habitantenan den e area aki di Ponton pa ta extra vigilante.  Lamentablemente e relato policial duna na prensa no ta contene potret di e peeping-tom.

- Advertisement -

DUNA COMENTARIO

Please enter your comment!
Please enter your name here