Home Turismo Si Turismo ta creciendo na Aruba… ta na unda e turistanan ta...

Si Turismo ta creciendo na Aruba… ta na unda e turistanan ta bay hospeda anto

40
0
SHARE
- Advertisement -

ORANJESTAD (AAN); Tisa LaSorte kende ta CEO di AHATA na Aruba, a indica cu nan ta notando cu Airbnb ta sigui crece na Aruba tambe, y awor tin mas apartamento ta wordo ofreci na turistanan cu ta yega Aruba.

Airbnb a cuminza cu e simple pensamento cu hendenan cu tabatin un extra-camber na nan cas, por ofrece esaki na bishitantenan cu ta busca alohamento temporal.

Pero awor el a comberti den algo otro, caminda hendenan a cuminza traha 2 pa 3 apartamento den nan cura, y el a bira awor un “mini hotel”.

Aña pasa na Aruba a introduci e ley, indicando cu e tipo di apartamentonan aki cu ta huur na turista, tambe ta obliga na bay busca un licencia pa por opera.  Pero awor ta saliendo na cla, cu esey no ta pasando y nan mes no ta buscando permiso/licencia.

AHATA a mustra cu esey ta birando nan preocupacion!  Si acaso e hendenan cu Airbnb y complehonan di apartamento ey ta beneficiando di e ‘mercadeo’ cu ta wordo haci pa promove Aruba, e ora e mercadeo ta ser haci posible danki na e Tax riba Turistanan, esta e Room-Tax, etc.

Na nan opinion, e ora esnan cu ta usa Airbnb y Apartamento cu turista, tambe tin di contribui na e fondo di mercadeo ey.

“Pasobra si abo ta hayando beneficio cu turistanan ta bin, e ora bo tin di contribui tambe na e pot cu ta paga pa e mercadeo,” Tisa LaSorte a indica.  “Esey ta nos preocupacion, esta cu e ta un level play field, pues cu nan tin mesun peso di belasting cu e otro hotelnan.”

Tin di check cerca e turistanan, ta ki tipo di alohamento nan ta prefera na Aruba.  Pues keda den hotel of un apartamento.  Esaki lo por check e.o. cu di tur e asientonan di vuelonan cu tin disponible, por check cuanto di nan ta prefera di keda na un Apartamento of Airbnb.  Di e forma ey bo por haya un imagen ta “ki tipo” di turista ta atraendo pa bin Aruba.

Na opinion di Tisa LaSorte di AHATA, esey ta un decision cu mester tuma!  Pa check cual ta e turista preferi, pasobra tur hende tin hopi aña papiando riba “quality over quantity”, e ora tin di cuminza dicidi cual ta e turista cu ta bin gasta mas na Aruba.

Pues gasta no djis na estadia, sino gasta di ora bay shopping, restaurant, etc.

Esey ta un analisis necesario pa asina planea riba loke Aruba kier, y e ora back-up e decision ey cu accionnan riba nivel di turismo.

Aworaki como 25% di turistanan cu ta bin Aruba ta raporta cu nan ta hospeda den “alternative accomodation”.  Esey ta un porcentahe hopi halto.

AHATA a yega di mustra nan preocupacion, cu mester sigura cu e Apartamentonan aki tambe ta paga nan fair-share di impuesto cu e otro Hotelnan ta cobra di e turistanan.

Ora cu oficialnan ta bisa cu e mercado di Aruba ta creciendo, bo mester check prome ta ‘unda’ exactamente e ta creciendo?  Unda nan ta kedando?  Si bo ta bisa cu mercado ta creciendo, pero tur ta hospedando na Apartamento, esey ta e strategia?

E mihor manera ta pa hunto traha riba e strategia, y e ora sigura cu e accionnan cu ta tuma ta duna e isla e resultado cu ta pidi pe.

Ademas di esey, tin preocupacion relaciona cu control riba calidad den mundo di servicio na turistanan, incluyendo seguridad.  Si nos kier pa e turistanan ta safe na Aruba, bo sa cu e Hotelnan tin team di security.  Pero bo no sa kico ta pasando den e barionan unda tin Airbnb y apartamento.  Aki ta bin un otro nivel di preocupacion pa seguridad y loke por pasa cu un turista, y tin di planea riba esey y no djis ignora e asunto aki.

 

- Advertisement -

DUNA COMENTARIO

Please enter your comment!
Please enter your name here