Home Enseñanza Tin un protocol firma relaciona cu seguridad y otro retonan cu por...

Tin un protocol firma relaciona cu seguridad y otro retonan cu por presenta na scol

137
0
SHARE
- Advertisement -

Directora di SKOA:

ORANJESTAD (AAN):  Directora di Stichting Katholiek Onderwijs Aruba (SKOA), Anuesca Baly, a duna di conoce cu nan ta mira nan mes como pioneronan den loke ta seguridad na scol.

Aña pasa nan a cuminza caba tuma algun accion relaciona cu e aspecto aki. Tur scol a  haya charla individualmente y como team di parti di Cuerpo Policial y a toca e tema di ‘school shooting’, kico pa haci.

E di dos parti cu SKOA ta bezig cune practicamente a keda cla. Pa esaki a acerca Bureau Rampenbestrijding Aruba (BRA) y di nan tambe a haya un tayer. Aworaki poco poco cada bario, di e scolnan cu ta den bario, ta trahando nan team caminda cu si tin un problema cu presenta tur hende sa kico pa haci.

No ta solamente pa duna informacion na mayor, pero trece seguridad bek na scolnan riba tur nivel. Tambe a traha den un team pa locual ta seguridad.

Tin un protocol firma un par di aña atras. Ta bezig den teamnan chikito y e protocol ta bay wordo saca afo pa wak con cada scol ta bay traha cune riba retonan cu por enfrenta, e directora di SKOA a indica.

Ta importante pa educa e mayornan pa tin e triangulo completo, Anuesca Baly a remarca. cas, scol y parokia.

E protocol aki ta acapara tur tereno. A haya un splicacion riba tur tipo di calamidad, a agrega.

- Advertisement -

DUNA COMENTARIO

Please enter your comment!
Please enter your name here