Home General Tolerancia di ilegalidad a aumenta miseria na Aruba

Tolerancia di ilegalidad a aumenta miseria na Aruba

404
0
SHARE
- Advertisement -

Di vivienda cu riesgo halto pa peliger serio pa salud

*Maneho social ta wordo afecta na forma negativo

*No ta trata di refugiado pero hasta di negoshi peligroso

ORANJESTAD (AAN) — Pa Aruba por atende cu e problema di pobresa, mester bay atende cu un di e aspectonan cu mas a mishi cu aspectonan social na Aruba. E forma cu Aruba a atende cu entrada ilegal, tin resultado serio pa e pais, cu a perde control riba loke a bira parti di comunidad.

DIARIO a base di informacionnan cu a drenta di miembronan di comunidad cu a bira victima di e spiraal peligroso di ilegalidad, a bay informa su mes di loke ta afecta Aruba directamente.

En resumen por bisa, cu ilegalidad cu  wordo tolera, a crece y awe ta afecta seriamente maneho cu por wordo tuma pa pone fin na situacionnan social inaceptabel.

Te awor ora papia di e efecto di ilegalidad, cu ta mishi directamente cu e Arubiano, enfasis ta wordo poni riba empleo. Berdad ta, y nos mester ta hopi franco na interes di Aruba, cu Arubianonan ta bira victima di trabou barata ilegal.

Tin caso cu ta exigi pa busca empleado den exterior manera ta e caso cu negoshi specialisa. Den e casonan aki, e negoshi por solicita permiso y haya esaki cu base legal.

E casonan cu ta crea mas problema ta, e cadenanan cu tin di hende cu contacto cu personanan den exterior cu ta regla pa persona indocumenta yega Aruba como parti di nan negoshi.

No ta cupo di trabou so ta na peliger. E nivel di vivienda di Aruba a wordo seriamente afecta cu e tolerancia cu tabata tin cu entrada ilegal. E impacto tabata sumamente grandi den e temporada cu ya Aruba a conoce problema financiero, economico y social cu a anuncia su mes for di 2014.

Un resumen di e situacion real na Aruba ta indica, cu ilegal ta bay contra maneho social cu mester percura pa bon vivienda. E calidad di vivienda na Aruba a bay atras y den demasiado caso a bira hasta miserabel.

Condicionnan pa biba na forma inaceptabel y cu prijs halto ta manifesta nan mes y ta forma peliger pa salud pero tambe pa posibilidad di candela.

Higiena custumbra na Aruba ta bay perdi den un cantidad demasiado halto di persona cu ta biba den casnan caminda mester come, bebe, drumi, cushina den espacio hopi limita.

E grado di pobresa di Aruba pues no por wordo midi a base di esfuersonan cu un maneho por contene.

Mas ainda, hopi Arubiano ta preocupa pa e cara di miseria, cu ta mas eleva cu pobresa normal. Casnan cu no conoce e base di limpiesa cu ta custumber di Aruba por ehempel. E forma cu ta atende cu sushi y ta haci barionan peligroso pa no papia mes di criminalidad cu ta haya centronan nobo y scondi pa autoridad.

Condicionnan social cu a wordo tolera den mal maneho di entrada di Aruba y a crea ilegalidad, ta bay contra intentonan serio pa yega na un bon maneho social pa e Arubiano.

En resumen ta presenta e conclusion, cu Cuerpo di Bombero, Polis, personal di Salud Publico y tur otro instancia envolvi mester atende e problema aki y cuminsa drenta barionan pa asina proteha e Arubiano pero tambe e ilegal di peligernan manera candela, enfermedad, criminalidad cu ta entrada ilegal na Aruba ta sostene.

- Advertisement -

DUNA COMENTARIO

Please enter your comment!
Please enter your name here