Home Policial Victima di agresion kier husticia y pa pueblo ta alerta

Victima di agresion kier husticia y pa pueblo ta alerta

2725
1
SHARE
- Advertisement -

ORANJESTAD (AAN):   Diadomingo ultimo, un ciudadano di Savaneta su buchi a yena ora cu el a bay mustra su bisiña chines algo cu e no tabata haciendo corecto y cos a sali for di man.

Dialuna el a presenta na DIARIO pa mustra su disgusto cu loke ta pasando for di 5 aña pasa banda di su cas.

E meneer J. Lanooij a splica cu banda di su cas tin un chines cu tin e custumber di muha mata cu awa di pos y esey ta trece cune un holo masha stinki mes.

Door cu no ta prome biaha, e biaha aki si L. a dicidi di bay graba e chines cu su telefon celular, for di su cas, pa mustre cu locual e ta haci no ta corecto ya cu esey ta causa molester cu holo.

E ora e chines, cu ta un comerciante cu tin un bar eynan, a bira agresivo, a coi un biga y cu tur su forza a dal L. na su brasa y tambe na su pia. Te hasta loke a pasa a keda graba tambe ariba camara di e chines mes.

L. mirando cu el a wordo agredi, a yama polis mesora. E chines mes a bay for di e sitio, L. a indica. Pero ora polis a yega, e chines a presenta y el a acepta cu el a comete e agresion. Polis a arest’e.

Lanooij a sigui conta cu el a bay warda di polis pa haci su aangifte despues di a bay Centro Medico pa docter por a revis’e y traha un raport.

Dialuna, el a bay directamente Ministerio Publico pa haci un denuncia oficial di locual el a pasa aden y cu e ta haya esey inaceptabel. Na OM, a traha un proces verbal y aworaki tur cos ta wordo entrega na Recherche.

E ciudadano aki no lo para keto. E kier pa pueblo di Aruba sa kico a pasa y pa pueblo ta alerta y no acepta e cosnan aki mas.

Por ehempel, si un cos asina sosode na Corsow, Colombia, Venezuela, e victima no lo tabata na bida mas. Aki na Aruba, cosnan asina ta pasa y nada ta wordo haci.

Den e caso aki, e chines agresor a dura 4 ora cera y despues el a wordo laga den libertad.

Pa colmo, aworaki tur cos ta carnaval y no tin atencion ariba cosnan cu ta sosode y cu ta hopi preocupante.

Pesey, e ciudadano J. Lanooij kier pa algo wordo haci. E kier husticia, pasobra mañan na lugar di man e biga aki por bay den cabez di hende y esey ta loke mester evita.

“Ki mishi un stranhero ta bin biba na Aruba y no ta respeta nos pais? Ora di bay nan pais nos si tin cu respeta nan leynan of nan custumber”, a remarca.

- Advertisement -

1 COMMENT

  1. Bon dia diario, na esnan concerni.
    Mester bin cu un ley na unda e agresor mester paga e victima pa daño nan hasi fisicamete of materialmente pasobra si nan paga djis un boete, no ta siña nan cu otro biaha no ta agredi hende. Fasil nan ta paga e boete y despues ripiti nan mal conducta y acshonan! Y esun cu a worde agredi y a sufri dolor no ta haña un recompensa pa su sufrimento. Pone e agresor paga pa e daño hasi na e victima y e victima haña e recompensa cu ta su derecho. Danki!

DUNA COMENTARIO

Please enter your comment!
Please enter your name here