Home Policial A resulta cu ta 2 turista a keda herida door di Drone...

A resulta cu ta 2 turista a keda herida door di Drone cu a cay durante Parada

676
0
SHARE
- Advertisement -

ORANJESTAD (AAN): Hopi hende a keda babuca pa loke a socede Diadomingo atardi durante Carnaval na Playa.  Esey ta cu un biaha mas durante un actividad di Carnaval, un Drone a cay y herida turista.

Kizas e momento a yega pa concientiza autoridad riba e isla cu tin di bin cu reglamento rapidamente pa evita esaki keda ripiti.

Otro partinan di mundo ta prohibi pa bula un Drone riba un publico grandi (e.o. concierto, evento, of wega deportivo, den stadion).  Pero na Aruba, tur cos por.

Polis a bisa DIARIO, cu a resulta cu e accident cu a socede Diadomingo pasa a laga 2 turista herida!  E prome informe tabata papia di un solo hende.

E relato oficial di Polis ta indica cu banda di 5:15 pm ora cu agentenan tabata canando e ruta di Carnaval riba Lloyd G. Smith Boulevard, diripiente banda di Queens Jewelry algun turista a hala atencion di un Agente Policial.

E turista di inicial T. a declara cu un Drone blanco a sali cay riba su cabez y schouder.  Ademas di esey, e Drone a causa herida tambe riba su amiga, ora cu el a cay y dal su pia banda robez.

E agente policial a nota mesora cu e turista a haya un herida na su schouder banda drechi.  Su amiga tabatin un herida na su pia robez.

E Paramediconan cu tabata staciona e momento ey na e cruzada di Weststraat y Lloyd G. Smith Boulevard a bay mesora cu nan brancard pa duna nan tratamento.  Nan a duna e turista tratamento pa e herida na su schouder, pero e amiga si nan a prefera di bay cune rumbo Servicio di Emergencia na Hospital pa asina atende e herida na e pia.

Mientras tanto, Polis a confisca e Drone blanco, cu ta di e marca caro DJI Phantom.  A confisca tambe su Rechargeable Battery, y tambe un Videocamera poni na dje.  E doño mes a bira cobarde y no a ni presenta na e lugar pa asumi su responsabilidad.

Si acaso e doño kier su DJI Phantom Drone bek, e tin di acudi na Warda di Polis na Oranjestad cu prueba cu e ta doño (match e serial-number), y alavez e tin di bay para responsable e ora tambe pa tur e gastonan cu e turistanan a pasa aden.

  CASO NA 2017:

No mester bay leu mes pa corda kico a pasa dia 25 di Februari 2017 na Parada Grandi na San Nicolas.  Ey tambe un persona tabata bulando un Drone riba e ruta, y diripiente sea el a dal den waya of su bateria a baha, y el a bin abao.

E tempo ey casi el a cay y dal un Reina di Carnaval cu tabata baliando e momento ey.  Esaki ta demostra cu den apenas algun aña di tempo, otro caso ta keda registra cu Drone durante Carnaval y nada ta socede.

- Advertisement -

DUNA COMENTARIO

Please enter your comment!
Please enter your name here