Home Impuesto Ainda tin negoshi cu no ta cumpliendo cu adaptacion den sistema di...

Ainda tin negoshi cu no ta cumpliendo cu adaptacion den sistema di BBO

104
0
SHARE
- Advertisement -

Directora di Departamento di Impuesto lo bin cu un tiplijn

ORANJESTAD (AAN): Directora di Departamento di Impuesto, Luenne Gomez a remarca cu na Aruba a conoce un cambio den ley di BBO desde 1 di Januari 2019. E ley tabata stipula cu e comerciante mester incorpora e BBO den su prijs.

Esaki kiermen cu no mag di ofrece otro prijs di un producto cu ta diferente di e prijs di e producto ariba shelf.

Tabata tin diferente discusion despues cu e ley aki a drenta na vigor unda cu e comerciantenan a indica cu nan tin cu bay cambia nan sistema automatiza pa por ehecuta e ley aki.

Despues di a duna un termino mas largo pa e comerciantenan por a adapta nan sistema, a bin un decreto desde October unda ta duna claridad riba e situacion.

A bisa cu ta keda ehecuta e ley manera mester ta y cu tur prijs mester inclui e 6% di BBO, BAVP y BAZV combina y cu e comerciante por dicidi si e ta duna un splicacion ariba su factura di kico ta e porcentahe di BBO cu ta hinca den e prijs.

Awor ta wak cu tin diferente keho cu ta drenta. Tin negoshinan cu ta hacie corectamente y tin negoshi cu ainda no a adapta nan sistema.

DIMP a mira e situacion aki di cerca  y ta bishitando diferente comerciante. Esaki departamento di control y FIOT tin bao nan encargo y ta ripara cu en berdad tin negoshinan cu no ta cumpliendo cu e ley manera mester ta, Gomez a remarca.

Ta dunando e comerciantenan un advertencia y si siguiente biaha cu DIMP pasa y ta bolbe mira cu nan no ta atende cu e ley manera mester ta, por pone un boet a base di e ley.

Esaki ta e trayecto cu DIMP ta canando y kier haci un apelacion ariba comunidad pasobra ta hayando diferente tip pa medio di nan website. Ta bay lanza un tipijn pasobra ta haya cu ta importante pa comunidad tambe denuncia e tipo di cosnan aki.

Segun Luenne Gomez, DIMP tin un tarea basta grandi pa garantiza e cobranza di impuesto. Hopi biaha ta papia di ‘compliance’  y di ‘fare share’ y kico gobierno ta haya.

E ta kere cu si tur hende ta atende cu e responsabilidadnan di impuesto na un manera corecto y ta señala cosnan cu no ta bayendo bon, DIMP por actua na un manera mas eficaz y hopi mas eficiente.

- Advertisement -

DUNA COMENTARIO

Please enter your comment!
Please enter your name here