Alerta pa un ‘challenge’ nobo pa medio di asfixia cu por daña cerebro

    4332
    0
    SHARE
    - Advertisement -

    ORANJESTAD (AAN): E challengenan online cu ta bira viral entre estudiantenan aparentemente no tin fin. Cada biaha nan ta inventa algo pa haci. Algun dia pasa, mayornan a wordo alerta di e challenge “kibra cabes” den varios scol di Latinoamerica y otro partinan di mundo. Awo e challenge popular ta “cay flauw”.

    Den e ‘wega’ nobo viral, tambe conoci como “Wega di morto” of “Knock out challenge”, ta consisti den haci cu un mucha ta cay flauw pa medio di asfixia intencional.

    Den un video cu ta circulando den rednan social por wak con varios alumno di un scol ta rondona algun hoben. Un ta leun na e muraya y e otro ta pone presion riba pecho di e mucha cu su mannan.

    Den algun seconde, e alumno na muraya ta cay flauw y ta cay abao, mientras e resto di e hobennan ta hari. Algun minut ta pasa y e hoben ta bin bij y e grabacion ta caba.

    E challenge aki no ta nobo, tin un video cu ta documenta su existencia desde 2013, aunke e metodo  tabata diferente.

    E wega aki ta hopi peligroso y por causa hipoxia cerebral. Segun website Medline Plus, esaki ta pasa ora no tin suficiente oxigeno pa e cerebro.

    E ta menciona con celnan di cerebro ta hopi sensible na falta di oxigeno, algun ta cuminsa muri den cinco minut, loke por causa daño cerebral grave y hasta morto. Hipoxia cerebral tambe por haci cu un persona drenta den estado di coma.

    Expertonan infantil ta bisa cu e mihor manera pa evita cu mucha y hobennan participa den e retonan aki ta pa mayor, maestro y hasta autoridadnan papia cu nan.

    Ta importante pa comunidad y mayornan conoce e challengenan aki y papia riba nan, specialmente cu mucha y hobennan, ya cu hopi mucha ta haci esaki bao di presion di nan amigonan.

    - Advertisement -

    DUNA COMENTARIO

    Please enter your comment!
    Please enter your name here