Home Policial Alto Comisario Hoo tin hopi confianza cu edificio na Wayaca lo ta...

Alto Comisario Hoo tin hopi confianza cu edificio na Wayaca lo ta di calidad halto

399
0
SHARE
- Advertisement -

ORANJESTAD (AAN): Tanto Polis y tambe Recherche ta bay haya un edificio special pa nan na Wayaca.

Alto Comisario Hoo a mustra cu ta fin di aña pasa nan a haya e edificio aki pa asina converti esey den un espacio di trabao pa Polis como tambe Recherche.  Pues Cuerpo Policial no tin e edificio aki di hopi tempo caba den nan poder.

Tin un tiki tardanza na esaki, como cu e edificio aki originalmente tabata traha pa uso civil, y no tabata uno cu ta cumpli cu e exigencianan di un Warda di Polis.  Y pesey mes, tin di haci cambio pa cumpli cu e rekesitonan cu un Cuerpo Policial ta exigi, pa asina ofrece proteccion na e oficialnan di Polis, y tambe na e ciudadanonan cu ta acudi eynan.

E adaptacion necesario aki ta tuma su tempo, segun Comisario Hoo a indica.  Hasta tin di percura pa instala sistema telefonico, data, etc.

Sinembargo un situacion critico a presenta su mes cu e edificio den Frankrijkstraat na Eagle cu tabata wordo ocupa pa Recherche Oranjestad.  E edificio a wordo desaproba pa uso debi cu e tin schimmel ta crece eyden, y tin biaha tin backup di rioolwater tambe eyden.

E ora pa emergencia, a dicidi na pone Recherche Oranjestad temporalmente na Noord y na Polis di Playa.  Esaki pendiente pa e edificio adkiri na Wayaca keda cla.

Comisario Hoo a mustra cu e decision aki ta uno caminda salud ta bay prome.  E inconveniencia di e oficialnan di Recherche na e edificio na Wayaca ta chikito, compara cu e riesgo di salud na Frankrijkstraat.  “Mi no ta bay acepta cu Recherche of Polis ta bira malo y despues nan no por brinda servicio,” Hoo a indica.

Mayoria di e Recherchenan cu tabata labora na Frankrijkstraat, a wordo dividi den distrito di Noord y Oranjestad unda a haya un lugar den Polis Uniforma pa traha eynan.

Alto Comisario ta spera cu pronto e trabao di cambio na Wayaca keda cla, y cu e speranza cu ora e keda cla, e lo ta uno cu tin producto final di calidad.  “Mi ta pidi poco mas pasenshi pa nos keda cla pa un edificio di calidad,” Hoo a indica.

 

- Advertisement -

DUNA COMENTARIO

Please enter your comment!
Please enter your name here