Home Turismo APA satisfecho cu desaroyo den mundo crusero y plannan pa 2020

APA satisfecho cu desaroyo den mundo crusero y plannan pa 2020

25
0
SHARE
- Advertisement -

ORANJESTAD (AAN):  Marc Figaroa, CEO di Aruba Ports Authority (APA) ta masha contento cu e desaroyonan positivo den e area di crusero na Aruba.

El a bisa cu Aruba a wordo cataloga como destinacion number na mundo un door di Carnival. Esey ta algo sumamente positivo ya cu tin hopi trabao cu ta wordo haci conhuntamente cu otro instancianan y esey ta treciendo como resultado e desaroyo positivo aki.

Segun Figaroa, pa Carnival, pa APA y pa Aruba, bira e carrier number un ta trece sigur mas pasahero anualmente. Pa tende esey di e partner mas grandi sigur ta algo hopi positivo mes pa Aruba.

Pa amplia e capacidad, a indica, mester tene na cuenta cu waf ta hopi limita. E barconan ta birando mas grandi, pero waf nunca a bira mas grandi. Pero na otro banda kier enfoca riba e grupo sostenibel.

Tur hende sa con e infrastructura ta bira ora cu tin dos barco grandi, cu 3 mil pa 4 mil pasahero cada barco. Kier garantiza e bienestar di e turista y e localnan. Tog kier tin un balans cu no ta perhudica esey, e ehecutivo di APA a señala.

Pa e ‘high season’, entre October y April, ta enfoca den e parti di ‘low season’. Pero esey ta un reto unda ya cu den e temporada aki kier pone algun barco na Miami. Tog Aruba ta keda un destinacion hopi importante.

Carnival Cruises a indica den nan ultimo reunion cu nan kier bin cu un plan y APA ta pendiente di esey.

Mester tene cuenta tambe cu e otro 3 lineanan crusero mas grandi den 2019 cu ta Carnival, Royal Caribbean y tambe Pullmantur. Den 2020 ta premira cu Norwegian tambe ta bay drenta den e top 3 y ta bay surpasa Pullmantur. Cada un lo trece mas cu 100 mil cruise passengers, a remarca.

Banda di esaki tin mas lineanan crusero chikito manera Freewinds, tambe Ritz Carlton, entre otro cu nan ta enfoca riba calidad. Akinan ta papiando di 300 pa 800 pasahero. Pero ta buscando tambe pa e experiencia unico, a bisa.

Conhuntamente cu ATA ta preparando pa ricibi Ritz Carlton, pero ta den plan. Asina cu e barco wordo entrega, nan lo inaugura e barco nobo Aruba lo pone ariba e itinerario.

 

- Advertisement -

DUNA COMENTARIO

Please enter your comment!
Please enter your name here