Home General Aruba Airport a gana premio di Routes Exchange Award 2020

Aruba Airport a gana premio di Routes Exchange Award 2020

262
0
SHARE
- Advertisement -

ORANJESTAD (AAN): Aeropuerto Internacional Reina Beatrix a ricibi recientemente un premio nobo “Route Exchange Award at Routes Americas 2020”, cu ta reconoce nan excelencia den e esfuersonan den marketing digital y e participacion di e aerolineanan a traves di Route Exchange Platform

“Nos ta profundamente honra di gana e First Routes Exchange Award 2020 den e forum di  Desaroyo di Ruta pa America!”, loke Jo-Anne Meaux-Arends di Aruba Airport Authority N.V. a declara.  Na AAA NV e ta Air Service Development Manager.

E ekipo Comercial y di Mercadeo (Air Service Development & PR)  ta contento cu e premio aki, y e hecho cu e ekipo su trabao duro, dedicacion, inovacion y diversidad di acceso den henter America a ser reconoci pa aerolineanan excepcional asocia y e organizacion di Routes Americas.

E exito di e ekipo aki realmente ta e sinergia creativo, e clima di diversidad cultiva den unidad pa por obtene y mantene un bentaha diferencial competitivo. Door di participa y conecta cu e doelgroep di Aeropuerto di Aruba a traves di diferente tipo di plataforma di comunicacion.

Routes a demostra di ta un adkisicion valioso pa complimenta e strategia di desaroyo di servicio aereo di Aeropuerto di Aruba. E evento a brinda Aeropuerto di Aruba un acceso incomparabel na mas di 20 aerolinea y ‘decision makers’, dunando e ekipo di Aeropuerto di Aruba un plataforma adicional pa mustra tur e casonan den desaroyo di e rutanan.

- Advertisement -

DUNA COMENTARIO

Please enter your comment!
Please enter your name here