Home General Aruba ta conoci cu realidad comercio Hulandes y coronavirus

Aruba ta conoci cu realidad comercio Hulandes y coronavirus

113
0
SHARE
- Advertisement -

Falta di piesanan chikito por tranca companianan di servicio

*Isolacion internacional di China lo ta pio cu barco di fruta

*Comercio local y competencia online den mes barco di peliger 

ORANJESTAD(AAN)–Por bisa cu e problema cu mas impacto tabata tin na Aruba a base di e situacion na Venezuela, tabata importacion di fruta. Si tuma na consideracion e realidad di loke e problema politico na Venezuela a causa pa Aruba,  por mira hasta un desbalansa den loke mester tabata preocupacion mayor of no.

E caida di Venezuela a pusha Aruba den un crisis regional y mundial, a nifica destruccion economico y financiero di Aruba cu pa colmo a hinca Nicolas Maduro den agonia den cas na 2016. Loke mas a sigui haya atencion tabata e hecho cu fruta a bira caro pasobra Aruba a cera frontera pa siguridad nacional y barconan no ta bini.

Aki por mira pues con fragil Aruba ta den situacionnan cu productonan importa no ta yega. Ta esaki a haci cu e siman aki DIARIO tabata tin interes special pa e alarma cu ta wordo bati rond mundo a base di e situacion explosivo di e coronavirus nobo na China, cu a wordo isola for di resto di mundo.

Na diferente forma durante ultimo siman DIARIO a mustra kico esaki ta encera y con awor importacion for di China no ta posibel mas na Aruba.

Esaki ta nifica cu lo surgi scarsedad di articulonan for di China cu resultado serio pa Aruba.

Ningun reaccion a drenta riba e realidad di Aruba mientras na Hulanda por mira con serio e situacion ta.

Investigacionnan oficial ta wordo haci na Hulanda caminda negoshinan chikito y grandi ta den problema serio pasobra nan pedidonan no ta drenta.

Tin negoshi cu mester bay cera nan portanan riba termino cortico of  busca forma nobo pa haya articulonan pa por sigui duna servicio.

E forma cu durante ultimo decadanan tecnologia a avansa ta nifica pa Aruba demanda nobo empresanan chikito cu mester duna servicio.

Empresanan y personanan na Aruba cu tin nan entrada den por ehempel mantencion di ekipo, ta den un problema. Mescos ta pasa cu empresanan cu ta bende of ta drecha articulonan electronico.

Cu porta di China na candal pa mundo, empresanan Arubano no por cumpra ni un schroef na China y mester bay mira si tin depositonan na otro luganan pa nan haya nan mercancia. E empresanan internacional na nan turno tambe tin miedo pa nan inventario baha ya cu no tin produccion na China.

E siman nobo mester entrega informacion na Aruba, cu mester comprende cu ni Online ni Offline e por cumpra loke e kier manera e tabata haci.

E experencianan cu barco di fruta ta un advertencia pa Aruba cu no por sigui drumi. Durante e siman cu a termina, DIARIO a cumpli cu su tarea.

Awor ta na instancianan oficial cu mester guia comercio pa adverti pa e situacion mundial cu sigur tin resultado pa Aruba.

- Advertisement -

DUNA COMENTARIO

Please enter your comment!
Please enter your name here