Home Gobierno Aruba ta number 7 riba e lista di exportacion di Colombia

Aruba ta number 7 riba e lista di exportacion di Colombia

180
0
SHARE
- Advertisement -

ORANJESTAD(AAN): Diahuebs durante un conferencia di prensa di Gobierno, Prome Minister Evelyn Wever Croes a papia di e viahe pa Colombia cu el a haci recientemente.

E mandatario a splica cu su viahe pa Colombia tabata uno priva na prome instancia, pero el a probecha di haci uso di un invitacion cu el a haya, pa bishita presidente di Colombia Ivan Duque.

E Prome Minister a haci algun otro bishita di trabao tambe.

“Na embahada di Reino Hulandes mi a reuni cu e embahador y cu e presidente di Holland House eynan y cu ambos nos a toca varios tema di interes comun, pero specialmente comercio, esta con nos por probecha mas di relacionnan comercial entre Colombia y Aruba”.

“Ya caba nos ta un partner hopi importante pa Colombia pa loke ta trata exportacion di Colombia”.

“Pa nos na Aruba Colombia ta un partner importante, pero ainda tin hopi mas potencial y esey nos kier bay desaroya hunto”.

E mandatario a sigui bisa cu el a ricibi un invitacion di e CEO di Avianca Airlines na Bogota Anko van der Werff.

E tarea di e CEO ta pa concentra riba aspectonan financiero di Avianca y den esey el a papia hopi cu nos Prome Minister riba transporte.

“Avianca tambe ta un partner hopi importante pa Aruba, den loke ta trata transporte”.

“El a informami cu e vuelonan entre Aruba y Colombia ta bay wordo intensifica, esta dos biaha pa dia tur dia di siman cuminzando na April”, segun Croes.

E mandatario a sigui bisa cu e reunion despues cu presidente di Colombia Ivan Duque tabata un bon reunion.

El a splica cu presidente Duque semper a mustra hopi interes riba kico ta pasa na Aruba y e ta considera Aruba un partner importante, sigur mirando cu Aruba ta number 7 riba e lista di exportacion di Colombia.

Pues number 7 den importancia di paisnan cu Colombia ta exporta pe.

Pa loke ta turismo, e presidente a pidi si Aruba por desaroya un programa unda cu nos isla ta yuda e studiantenan Colombiano den e area di horeca pa bin pasa nan stage aki na Aruba.

“Di nos banda nos a papia tambe di lasonan comercial y con nos por probecha mas y na mihor tarifanan di e productonan cu Colombia tin pa ofrece”.

“Tambe nos a papia di crimen organiza y con nos por traha mihor hunta pa trece mas seguridad pa e paisnan”.

“Naturalmente nos a toca e tema di cuido medico y cuido di salud”, segun Croes, kende a indica tambe cu el a splica e presidente con importante Colombia ta pa Aruba den e parti ey.

Wever Croes a bisa tambe cu el a papia cu Duque riba nos hobennan cu ta studia medicina den e region y e desafionan cu tin rond di esaki.

“Ya caba e ministernan di Salubridad ta hopi leu riba e tema di acreditacion y aworaki nos ta bay pa e siguiente paso y e siguiente paso ta pa nos purba di atrae establecimentonan di clinicanan priva pa Aruba, pero naturalmente nos mester tin e legislacion bon na su lugar pa garantiza calidad”.

E mandatario a bisa tambe cu presidente Duque a wordo invita tambe pa Rey Willem Alexander pa bay haci un bishita di estado na Hulanda na November .

- Advertisement -

DUNA COMENTARIO

Please enter your comment!
Please enter your name here